RSS
කතා නොකරන හදවතක් තුල, කොයි තරම් නම් කතන්දර වේද...? ඒ කතන්දර කියන්නට ඔබටයි මේ මොහොත.......! ඔබ දන්නා දේ බෙදා ගන්න.....! නොදන්නා දේ දැනගන්න.....! එන්න .....! අප සමග එකතු වන්න......!

Sunday, October 28, 2012

2012 December 22, 23 & 24

2012 december 22,23 and 24

ආදරයක් ශක්තිමත් වෙන්නෙත් වියැකී යන්නෙත් පුංචි පුංචි දේවල් නිසා


බැඳල අවුරුදු කීපයකට පස්සෙ එක සැමියෙකුට දැනුනලු තමන්ගෙ විවාහය අසාර්ථක බව. ඔහු තීරණය කළාලු කල් ඇර ඇර ඉන්නවට වඩා කෙළින්ම බිරිඳට ඒ ගැන කියල දික්කසාදයක් ඉල්ලන්න.
අන්තිමට කොහොම හරි හිතට ධෛර්යය උපදවාගන බිරිඳට කෙළින්ම කිව්වලු දික්කසාද විය යුතුමයි කියල. බිරිඳ ඇහුවලු “ඇයි“ කියල උත්තරයක් තිබිල නෑ ඒකට.
ඒ පුද්ගලයා ලියා තිබූ සටහනක ඔහුගෙ සිතිවිලි ගැන මේ විදිහට ලියවිලා තිබුනලු.
“මම මගෙ බිරිඳට කෙළින්ම කිව්වා අපිට එකට ඉන්න බැරි නිසා දික්කසාද වෙමු කියල. ඇය විරුද්ධ වුණේ නෑ. නිහතමානීව කැමති වුණා දික්කසාද වෙන්න. මගෙ ඉඩම්වලින්, බැංකුවෙ මුදල්වලින් මගෙ ධනයෙන් කොටසක් ඇයට ලියන බව කිව්වත් ඇය ඒ කිසිවක් ගානකට ගත්තෙ නෑ.
මේ වනවිට මගෙ හිත වෙනත් කෙනෙක් වෙත ඇදිල ගිහින් තිබුණෙ. දික්කසාද වෙලා ඇයව බඳින්නයි මම හිතාගන හිටියෙ.
පුදුමෙකට වගේ මගෙ බිරිඳ මගෙ හිත රිදෙන කිසි දෙයක් කිව්වෙ නෑ. ඇය දික්කසාදයට එකඟ වුණා. ඒත් ඇය එක ඉල්ලීමක් කළා.“මම මගෙ බිරිඳට කෙළින්ම කිව්වා අපිට එකට ඉන්න බැරි නිසා දික්කසාද වෙමු කියල. ඇය විරුද්ධ වුණේ නෑ. නිහතමානීව කැමති වුණා දික්කසාද වෙන්න. මගෙ ඉඩම්වලින්, බැංකුවෙ මුදල්වලින් මගෙ ධනයෙන් කොටසක් ඇයට ලියන බව කිව්වත් ඇය ඒ කිසිවක් ගානකට ගත්තෙ නෑ.
මේ වනවිට මගෙ හිත වෙනත් කෙනෙක් වෙත ඇදිල ගිහින් තිබුණෙ. දික්කසාද වෙලා ඇයව බඳින්නයි මම හිතාගන හිටියෙ.
පුදුමෙකට වගේ මගෙ බිරිඳ මගෙ හිත රිදෙන කිසි දෙයක් කිව්වෙ නෑ. ඇය දික්කසාදයට එකඟ වුණා. ඒත් ඇය එක ඉල්ලීමක් කළා.
“දරුව තාම ‍පොඩියි අපි දෙන්න දෙපැත්තට වෙලා ඉන්නකොට දරුවගෙ මනසට ඒක ගොඩක් බලපානව. ඒ නිසා අපි දෙන්න වෙනද වගේම බොරුවට හරි එකට ඉමු. බැඳපු මුල් දිනවල ඔයා මගෙ නළල සිපල වැඩට ගියා වගේ දරුවට පේන්න ඔයා මගෙ නළල සිපගන්න. මට ඒ ඇති. මට ඔයාගෙන් වෙන කිසිම දෙයක් එපා…”
පුතාව සතුටින් තියන්න ඕන හින්ද අකමැත්තෙන් හරි බොරු රඟපෑමක් කරන්න ඒ පුද්ගලයා එකඟ වෙලා තියෙනව.
හැමදාම වැඩට යද්දි පුතාවයි බිරිඳවයි දෙන්නම සිපගෙන පිටත්වෙලා යන එක පුරුද්දක් කරගත්තලු. හැබැයි ඒ දරුවට පේන්න.
බිරිඳගෙ නළල සිපගනිද්දි දරුවා අත්පුඩි ගැහැව්වලු සතුටින්. පී්‍රතිමත් යුග දිවියක් ගෙවන බව දරුවාට දැනෙන විදිහට තමයි හැමදේම කරල තියෙන්නෙ.
“දවසින් දවස බිරිඳ කෙට්ටු වුණා. ඇඳුම් සේරම ඇයට පුංචි වුණා. ඉතා ඉක්මණින් බිරිඳව දික්කසාද කරන හින්ද මම ඇයව සිපගත්තෙ බොරුවට.
ඒත් සමහර දවස්වල මම ඇයව ආදරෙන් හිස අතගාල වැඩට යද්දි මට අපේ පැරණි සිතුවිලි මතක් වුණා. ආදර හැඟුම් ටිකක් ආයෙත් මතුවුණා. ඇත්තටම හරිම පුදුමයි. මට අවුරුදු ගණනාවකට හිතපු නැති විදිහෙ ආදර හැඟුමන් ඇතිවුණා. ඇයව හිස අත ගාල සිපගනිද්දි.
මෙච්චර කලක් ඒ හැඟීම් මට ඇතිවෙලා නැත්තෙ මගෙ කිසිම උනන්දුවක් නැතිකම නිසා”
එක දවසක් මම කාර්යාලයෙ වැඩක යෙදිල ඉන්න ගමන් දිගින් දිගටම කල්පනා කළා අපේ විවාහය ගැන. ඇයව මට එපා වුණේ ඇයි? දික්කසාද කරන්න හිතුණෙ ඇයි? එතකොට මට තේරුණා පිළිතුර.
මම පුංචි පුංචි දේවල්වලට අවධානය දීලම නෑ. ජීවිතය ගතකරන්න පිම්මෙ දිව්ව මිසක් පී්‍රතිමත් විවාහයකට අවශ්‍ය පුංචි දේවල් ගැන මම කල්පනා කරල නෑ… ඒ හින්ද මං හිතුව නැවත වරක් බිරිඳ ගැන ආදරෙන් හිතන්න…
දවසක් මෙහෙම කල්පනා කරද්දි ඔහුට හැඟුනලු දික්කසාද කරන්නෙ නෑමයි කියල.
ඒ පුද්ගලය ගිහින් මල් ‍පොකුරක් සල්ලිවලට අරගන ගියාලු බිරිඳගෙ කාමරේට. ඒ මල් ‍පොකුර දීල විවාහය අලුත් කරගන සතුටින් ඉන්නව කියල ඔහු හිතුවලු.
ඒත් ඔහුට ඒ වාසනාව ලැබිල නෑ. කාමරේට යද්දි බිරිඳ මිය ගිහින්.
පසුව ඇයගෙ දින‍පොතක යමක් සටහන් කරල තිබිල සැමියා කියවල තියෙනව.
බිරිඳ පිළිකාවකින් පෙළෙමින් ඉඳල තියෙන්නෙ. මැරෙන බව ඇය දැනගන ඉඳල තියනවා. ඒත් මැරෙන තුරු ආදර්ශමත් විවාහ දිවියක් ගත කළා කියල එයාගෙ දරුවට ඒත්තුගන්වන්නයි අවශ්‍ය වෙලා තියෙන්නෙ.
“අපේ දරුව අපි ගැන පැහැදීමකින් ඉඳල තියෙන්න. එයා හිතල තියෙන්නෙ අපි ආදරෙන් ඉන්නව කියල. අඩුම ගානෙ බිරිඳ මිය යන තුරුත් මම ඉතා අවංක සැමියෙක් විදිහටයි අපේ දරුව හිතාගන ඉඳල තියෙන්න…”
මේ පුංචි කතාවෙන් කරුණු දෙකක් අපිට පෙන්නා දෙනව.
එකක්, විවාහ වුණු දෙදෙනෙක් ඒ අය තමන්ගෙ දරුවන්ට දෙන්නෙ මොන වගේ ආදර්ශයක්ද කියන එක හරිම වැදගත්. දරුවො දෙමාපියන්ව තේරුම්ගන්නෙ එයාල දකින අහන දේවල්වලින්. ඒ නිසා දරුවන් ඉතා සූක්ෂමව තමන්ව අගයන නිසා, ප්‍රවේශමෙන් කටයුතු කිරීම වැදගත් බව මතක තියාගන්න.
අනිත් කරුණ තමයි ජීවිතයේ පුංචි පුංචි දේවලට වටිනාකමක් දීම.
බිරිඳගෙ හිස ටිකක් අතගාද්දි ලොකු සෙනෙහසක් දැනෙනව. අදහස් හුවමාරු කරගනිද්දි පුංචි පුංචි දේ ගැන සැලකිලිමත්ව, උචිත විදිහෙ ලෙන්ගතුකමක් පෙන්වීම වටිනව.
මිනිස්සු යකඩ රොබෝ වරු නෙමේ. හැඟීම් සිතුම් පැතුම් තමයි වැඩි හරියක්ම විවාහයක් සාර්ථක කරන්න හෝ විනාශකරන්න දායක වෙන්නෙ.
ඒ නිසා පුංචි පුංචි දේට ඔබේ විවාහ ජීවිතයේ ඉහළ වටිනාකමක් දෙන්න. එක රොත්තට අපිට සතුට ලැබෙන්නෙ නෑ. ටිකින් ටික පුංචි පුංචි දේ ගැන උනන්දුවෙන් කටයුතු කිරීමෙන් තමයි සතුට ලැබෙන්නෙ.
එදිනෙදා ජීවිතයේ පුංචි පුංචි දේ තුළින් ඔබට පුළුවන් ඔබේ සැමියාව/ බිරිඳව සතුටින් තියන්න. ඒ නිසා පුංචි දේකින් හැමදාම ඔබගේ බිරිඳ/ සැමියා සතුටුකරවන්න උනන්දුවෙන්න. ඔබේ මුළු විවාහයම සතුටින් පිරී යනවා නොඅනුමානයි.
මයිකල් ඇන්ජලෝ ප්‍රනාන්දු
උපුටා ගැනීම ලක්බිම පුවත් පත.

ඔබ ආදරය අහිමි වීමෙන් දුක් විඳින කෙනෙක්ද?

අප සැබෑවටම ආදරය කළ කෙනෙක් අපෙන් වෙන් වුණාම තදබල වියෝ දුකක් (Grief) දැනෙනවා. වියෝදුක දැනෙන්නෙ අප ආදරය කළ කෙනෙක් මිය ගිය විට පමණක් නොවෙයි. ආදරය කළ පුද්ගලයා තමන් අතහැර ගිය විටත් මේ වියෝ දුක මෙලෙසින්ම දැනෙනවා. අපි දැන් මේ වියෝදුක අපට දැනෙන ආකාරය ගැන සොයා බලමු. ආදරයෙන් බැඳී සිටින යුවළකට කුමක් හෝ හේතුවක් මත වෙන් වෙන්නට සිදු වුණේ යැයි සිතන්න. මෙහිදී ‘අසවල් හේතුව නිසා අපට මේ සම්බන්ධය පවත්වා ගෙන යන්න බෑ. අපි වෙන්වෙමු’ යැයි දෙදෙනාගෙන් එක් අයකු අනෙකාට යෝජනා කළ හැකියි. මේ යෝජනාව කළේ පෙම්වතා විසින් පෙම්වතියට යැයි සිතමු. එහිදී ඇගේ සිත එකවරම එම යෝජනාව පිළිගන්නෙ නෑ. ඇතැම් විට ඇය ඊට මතුපිටින් එකඟතාවය පළ කළත් ඇගේ මනස කියන්නෙ ‘දැන් ඔහොම කිව්වට එයා මාව දාල යන්නෙ නෑ” කියලයි. මෙසේ ඔහු තමා ගෙන් වෙන් වී යන බවට මනස නොපිළිගන්නා එවැනි අනපේක්ෂිත දෙයක් එකවරම පිළි ගැනීම තුළින් මනසට වන හානිය වළක්වා ගැනීමේ උපක්‍රමයක් ලෙසයි.

 එය මනස විසින්ම සිදු කරගන්නා ආරක්ෂණ ක්‍රමෝපායක් (Defend Mechanism) ඒ වගේම සමහරු මේ වගේ අවස්ථාවකදී අනෙකා කෙරෙහි ඇති වන තදබල කෝපය නිසාම ‘ඔයාට මාව එපා නම් මටත් ඔයාව එපා’ කියලා කියන්න පෙළැඹෙනවා. ඒකත් මනස විසින්ම සිදුකරන ආරක්ෂණ ක්‍රමෝපායන් තමයි. මේ මොනවා කිව්වත් මනස අපේක්ෂා කරන්නෙ එයා ඔහොම කිව්වට වෙනද එන වෙලාවට එයි. වෙනද වගේ මාත් එක්ක කතා කරයි“ කියලයි. නමුත් වෙන් වී ගිය පුද්ගලයා නැවත කතා නොකරන කොට, වෙනදා මුණ ගැහුණු තැන්වලදී ඒ වෙලාවල්වලදී නොදකින කොට මනස දැන ගන්නවා එයා ආයෙත් එන්නෙ නැති බව. ඒ වෙලාවට හිතට මහා විශාල පාළුවක් වේදනාවක් දැනෙන්න පටන් ගන්නවා. හිත පුපුරු ගහන, පිච්චෙන ස්වභාවයකුත් දැනෙන්න පුළුවන්. ඊට පස්සෙ ඔහුට ඇයට තමා ආදරය කළ පුද්ගලයා මුලදී මුණ ගැහුණු තැන්වලදී නැවත පෙනෙනවා වගේ හැඟෙනවා. ඒත් බලනකොට කිසි කෙනෙක් එතන නෑ. තවත් සමහර වෙලාවට වෙන කෙනෙකුට එයා කියලා රැවටෙනවා. එහෙම හිතලා බලනකොට ඒ ඉන්නේ එයා නොවන නිසා විශාල වේදනාවකට පත්වෙනවා. සමහර වෙලාවට වෙන්වුණු පුද්ගලයාගේ කටහඬ ඇහෙනව වගේ දැනෙනවා. මේ වගේ අවස්ථාවල සිතට දැනෙන්නෙ විශාල වේදනාවක්. තවත් සමහර වෙලාවට තමාව හැර ගිය පුද්ගලයා ගැන ලොකු තරහක් ඇති වන්නත් පුළුවන්. “එයාට එපා නම් මටත් එයාව ඕනෙ නෑ” කියලා හිතේ ලොකු තරහක් ඇති කර ගන්නෙ මේ වගේ වෙලාවට. නමුත් එහෙම කියන්නෙ ඇත්තටම එපා වීම නිසා නොවෙයි. ඒකත් වියෝදුක සමනය කර ගන්න මනස යොදන උපක්‍රමයක්. සමහරුන්ට තමන් ගැනම තරහක් දුකක් ඇති වෙනවා. ‘ආයෙමත් එයා මට හමු වෙන්නෙ නෑ. එයා වගේ කෙනෙක් ආයෙ කවදාවත් මට මුණ ගැහෙන්නෙ නෑ” කියා සිතමින් එයාගෙ නරක, දුර්ගුණ සේරම අමතක වෙලා වෙන් වූ පුද්ගලයාගේ හොඳ පමණක්ම සිතට නැගෙන්නට පටන් ගන්නවා. එයා සමග බැඳුණු අමිහිරි මතකයන් යටපත් වෙලා මිහිරි සුන්දර මතකයන් ගැනම පමණක් සිතන්නට පෙළැඹෙනවා. මෙහිදී ඉතා දැඩි තදබල වේදනාවක් සිතට දැනෙන්න පුළුවන්. වියෝ දුකෙන් පෙළෙන පුද්ගලයාගේ චරිත ස්වභාවය අනුවත්, ඔහු/ ඇය තුළ තමන්ගෙන් වෙන්ව ගිය පුද්ගලයා කෙරෙහි මනසින් තිබූ බැඳීම අනුවත්, ජානමය හේතූන් මතත් මේ වියෝදුක විශාද රෝගය (Depression) දක්වා දුර දිග යන්නත් පුළුවන්. ඒ තත්ත්වය දිගින් දිගටම වර්ධනය වීම මත සිය දිවි හානි කර ගැනීමට පවා පෙළැඹිය හැකියි. සමහරු තමන් හැර ගිය පුද්ගලයා කෙරෙහි තදබල වෛරයක් ඇති කරගෙන පළි ගැනීමට පෙළැඹෙනවා. බොහෝ විට මෙවැනි හේතූන් මත සමහරු ජීවිත හානි කිරීමට පවා යොමුවිය හැකි අතර ඒ තත්ත්වයට පත් වන්නේ සමාජ විරෝධී අදහස් තියන අය මිසක් හැමෝම නමෛයි. වියෝ දුකේ ප්‍රමාණය තීරණය වන්නේ වෙන් වූ පුද්ගලයා සමග තිබූ බැඳීමේ ප්‍රමාණය මතයි. සමහර වෙලාවට මසක් දෙකක් වැනි කෙටි කාලයක් බැඳී සිටි කෙනෙකුට වුවත් වෙන් වීම තුළින් මහා විශාල වියෝ දුකක් දැනෙන්න පුළුවන්. මේ වගේ කෙටිකාලයකට කොහොමද ඔච්චර දුකක් දැනෙන්නේ කියලා සමහරු මෙහිදී කියාවි. නමුත් එම බැඳීම තමන්ගේ සිතට දැනුණු ස්වභාවය අනුව මිසක් බැඳීම තිබූ කාලය අනුව වියෝ දුක තීරණය වන්නෙ නෑ. වියෝ දුකක් ඇති වුණාම එය සමනය කර ගැනීමට සමීප අයගෙන් උපකාර ලබා ගත යුතුයි. සාකච්ඡා මාර්ගයෙන් විසඳා ගන්න බැරි නම් යථාර්ථයට මුහුණ දී දෙදෙනාගේම යහපත වෙනුවෙන් වෙන් වීම අකමැත්තෙන් වුණත් කරන්නට සිදු වෙනවා. විශේෂඥ වෛද්‍ය රූමි රූබන් සාකච්ඡා කළේ ඉන්දු පෙරේරා උපුටා ගැනීම ලක්බිම පුවත් පත.

Saturday, October 27, 2012

අමන්දා වින්දා... ආදරේ නැති හින්දා....

PhotobucketPhotobucket

PhotobucketPhotobucketPhotobucketPhotobucketPhotobucket

Microsoft Surface RT හා Surface Pro හී විස්තරාත්මක Specs ලැයිස්තුව!


පසුගිය ජූනි මාසයේ තමයි Microsoft සමාගම “Surface” Tablet එක ගැන මුල්වරට නිවේදනය කලේ. මේ මස විසිහය වැනිදා එය වෙළදපලට නිකුත් කරණ බව Microsoft සමාගම මීට ඉහත දී  නිළ වසයෙන් ප්‍රකාෂ කළා. Microsoft සිය Surface device එකෙහි version දෙකක් වෙළදපලට නිකුත් කිරීමට සුදානම්. ඒ Surface RT හා Surface Pro ලෙසිනුයි.
Microsoft Surface RT
මේ වන විට Surface RT පමණක් pre-order කිරීමේ හැකියාව Microsoft, සිය වෙබ් අඩවිය හරහා සලසා දී තිබෙනවා. එයත් සමගම Microsoft සමාගම Surface RT හා Surface Pro tablets දෙකේම specs ගැන විස්තරාත්මක ලැයිස්තුව නිකුත් කර තිබෙනවා.
Surface RT vs Surface Pro
මේ specs දිහා බලලා ඔබ ඔබ මොකද හිතන්නේ? යම් දිනක Surface Tab එකක් ඔබ මිළදී ගන්න සිතනාවානම්, ඔබ මිළදී ගන්නේ Surface RT ද නැතිනම් Surface Pro ද? ඔබේ අදහස comment කරන්න.

Wi-Fi වලට සමුදීලා Li-Fi වලට ආයුබෝවන් කියන්න වෙයිද…?


ජර්මානු ජාතික භෞතික විද්‍යාඥයෙක් වගේම වන  Edinburgh’s විශ්වවිද්‍යාලයේ  mobile communications සම්බන්ද මහාචාර්ය කෙනෙක් වන  Harald Haas  විසින් සොයාගන්න ලද අලුත්ම තාක්ෂණික ක්‍රමයක් ගැන කියන්නයි හදන්නෙ. නමින් කිව්වොත් “smart lighting” kit .  මෙමඟින් හැකියාව තිබෙනවා දැනට පැවතින ආලෝක පද්ධති (existing lighting systems ) භාවිතා කරමින් දත්ත හුමාරු කර ගන්න. මෙමගින් තත්පරයකට megabits 50 කට වැඩි network speed එකක් රදවා ගන්නත් හැකියාව තිබෙනවා. දත්ත යැවීම සඳහා LEDs භාවිත කිරීමටත් දත්ත ලබා ගැනීම සඳහා photo-sensor භාවිත කිරීමටත් පර්යේෂකයින්ට හැකි වී තිබෙනවා. photo-sensor එක මඟින් අලෝකගේ අධිකත්වහි ( intensity of light) වෙනස් වීම ග්‍රහණය කරගැනීමටත් මිනිස් ඇසට හසු නොවන ආකාරයේ අධික වේගයකින් යුත් ආලෝක ධාරා මේ සදහා භාවිත කරන්නත් පර්යේෂකයින්ට හැකියාව ලැබිලා. තවත් විශේෂ දෙයක් තමයි මෙම තාක්ෂනය “Li-Fi” ලෙස නම් කිරීම.
Professional Engineering වාර්තා හෙළි කරන කරුණු අනුව මෙම wireless networking පද්ධතිය මගින් තත්පරයට  megabits 130 ක දට හුවමාරුවක් සිදු කරන්න පුළුවන්. වර්තමානයේ දී මෙම පර්යේෂණ කණ්ඩායම විද්‍යාගාරයක් තුල වෙහෙසෙන්නේ Li-Fi system එක මගින් තත්පරයට gigabit ප්‍රමාණයේ දත්ත හුවරු වේගයක් ලබා ගැනීම සඳහා සංවර්දනය කිරීමටයි.
TED talk (Technology Entertainment and Design) සම්මන්ත්‍රණයේදී Harald Haas  විසින් මෙහි මුලික දර්ශනය ඉදිරිපත් කළා. මෙහිදී desk lamp(retrofitted with the appropriate LED equipment) එකක් භාවිතයෙන්  HD movie එකක් සම්ප්‍රේෂණය කිරීමට ඔහුට හැකි වුණා. Haas  කියන විදිහට ඔහු බලාපොරොත්තු වෙනවලු මෙම තාක්ෂනය mobile devices සමග එකතු කරන්න. තවදුරටත් ඔහු කියා සිටියේ mobile devices එකෙහි ඇති camera ව දත්ත downloads සඳහා data port එකක් විදිහට ක්‍රියා කරවිය හැකි බවයි.

Wireless broadband වල අනාගතය වෙන්නේ  ”Li-Fi” කියල තමයි මට නම් හිතෙන්නේ. ලගදීම දවසක ඔයාල වැඩ කරන තැන තියෙන ආලෝක නිපදවන බල්බ මගින් නිකුත් වන ආලෝකයෙන් දත්ත හුමාරු කරන්න ඔයාලට පුළුවන් වෙයි. මදකට හිතල බලන්න යාලුවනේ තාක්ෂනය කියන දේ කොච්චර වේගයෙන් ඉදිරියට යනවද කියලා.

Tuesday, October 2, 2012

ක්‍රි .ව. 2062 ශ්‍රී ලංකාව නම් සමෘධිමත් දේශය


සිරිත් පරිදි එදා සවස තැබෑරුමෙන් ගල් බාගයක් ගසන්නට යන විට කොහේදෝ සිට එතනට කඩා වැදුණු බුවෙක් මා සමග පනාව දැමිය. මොහු කවෙරෙක්දැයි සිතමින් සිටින විට ඔහු සාක්කුව අස්සෙන් කාලේ බෝතලයක් ගෙන මා අත තැබීය.


දොරේ මේක ගහලා බලන්ඩ නියම බඩු දන්කොටුව ස්පෙෂල් වගේ

මම බුවාගේ බෝතල් කාලෙන් උගුරක් බිවෙමි. උගුර පිලිස්සීගෙන ගිය මුල් ෂොට් එකෙන්ම මට බඹර පදමට වැදුනි.

නියම බඩු මචෝ කියමින් මම කාලේ බෝතලය එකවරම හිස් කලෙමි. මට මතක එපමණය. කුදාර් වෙන්නට වැදීම නිසා යන්තම් තැබෑරුමේ මුල්ලක කුඩා ගසා ගත්තා යන්තමින් මතකය. මම තද නින්දකට වැටුනෙමි.

මට ඇහැරෙනවිට හොඳටම දවාල් වී තිබුණි.

මළ කෙලියයි රස්සාවට යන්නත් ප්‍රමාද උනා. මම වහාම නැගිට තැබෑරුමෙන් එලියට ආවෙමි. මුළු ලෝකයම වෙනස් වී තිබෙන හැඩකි. අමුතු විදියේ අහස උසට අලංකාර ගොඩනැගිලි , ලස්සනට ඇඳ පැළඳගත් ජනයා හරියට සිංගප්පූරුව වගේය. තැබෑරුම ඉදිරිපිට තිබූ ටකරන් බස් නැවතුම්පල පෙනෙන්නටවත් නැත.

මේ මොන විපරීතයක්ද කියා සිතමින් සිටින විට මට පුවත් පතක් කියවමින් සිටි මහලු මිනිසෙකු දකින්නට ලැබිණි. මම ඔහු වෙත ගියෙමි.

අන්කල් මේ ......

අන්කල් ? මහත්මයා ජේෂ්ඨ පුරවැසියන්ට විනීතව කතා කරන්න ඉගෙනගන්න, නැතිනම් මට සිදුවෙනවා සංස්කෘතික අමාත්‍යංශයේ ශිෂ්ඨ හැසිරීම සම්බන්ද ඒකකයේ නිලධාරී මහතුන්ට කතා කරලා මහත්මයාව පුනරුත්තාපනය ඒකකය වෙත යවන්න

අනේ සොරි සර් මම අතරමං වෙලා , මට මේ මොනවත් තේරෙන්නේ නැහැ මම ඉන්නේ කොහෙද කියන්න ?

මේ මහත්මයා ඉන්නේ කොළඹ පුරහල අසල

වෙන්න බැහැ මම ටවුන් හෝල් එක හොඳට දන්නවා , කෝ අර කිළුටු පාට සුදු බිල්ඩිම , කැඩීච්ච බුලත් කෙල පාරවල් වැදුණු පෝස්ටර් අලවපු තාප්ප , මිනිස්සු උද්ඝෝෂණය කරන ලිප්ටන් වටරවුම , ටකරන් මඩු වගේ බස් හෝල්ට් , අර ඔටුවා පිටකොටුවා කියලා ගිරිය යටින් කෑ ගහන ප්‍රයිවෙට් බස් මල්ලිලා ?

ඕ... අයිසී නොස්ටැල්ජියා , අතීත කාමය . මටත් ඕක ඉඳලා හිටලා එනවා. මෙන්න බලන්න අද පත්තරේ , අද කොළඹ යුනිවසිටි එකේ එක්සිබිෂන් එකක් තියනවා අපේ 2012 අපේ අශිෂ්ඨ පැරණි සමාජය කියලා . එහෙට්ට ගියොත් ඔය ඔක්කොම පරණ පින්තුර බලන්න පුළුවන්

2012 පැරණි සමාජය ? නාකියාට ඔල්මොරොන්දන්වෙලා වත්ද ? මම එක්සිබිෂන් පුවත ගැන නොව පුවත් පතේ දිනය බැලුවෙමි. මළ සේක දිනය 2062 , මම අනාගතයට ඇවිත් ද ?

අනේ සර් මම ගොඩක් කල් ලෙඩින් හිටියා මට ගොඩක් දේවල් මතක නැහැ , කියන්නකෝ 2012 ඉඳන් අපේ රටට වෙච්ච දේ ?

ඕකේ ...ඇල්ශයිමර්ස් .... මගේ පියාටත් ඔය ලෙඩේ තිබ්බා .... හොඳයි මම කියන්නම් , හැබැයි දැන් මට කොළඹ යුනිවසිටි එකේ එක්සිබිෂන් එකට යන්න ඕනේ , අපි පයින්ම යමු . ඇවිදීම තමයි හොඳම වියායාමය.

ඉතින් සර් කියන්නකෝ මොකද උනේ කියලා , 2012 ලංකාව පාලනය කාලේ මහින්ද රාජපක්ෂ හරිද ? ඒක මට මතකයි

හොක්.. හොක් ..හොක් ...මහින්ද රාජපක්ෂ... ඔව් ඔව් එහෙම කෙනෙකුත් හිටියා ...

එතකොට බැසිල් , ගෝටා , නාමල් , අර අභ්‍යවකාශයට යන්න හිටපු රෝහිත ඒ අයට මොකද උනේ ?

දේ ආ හිස්ට්‍රි මෑන් හිස්ට්‍රි , ඒ අය දැන් ඉතිහාසයට එකතු වෙලා , මහ මිනිහගේ පොඩි එකා නම් හම්බන්තොට පැත්තේ පොඩි සිල්ලර කඩයක් කරගෙන ඉන්නවලු එකටත් ඉතින් අපේ මාලක සිල්වා මැතිතුමා තමයි අත හිත දීල තියෙන්නේ.

මාලක සිල්වා මැතිතුමා ? මේ අර එක්ස්ටසි මාලකයා ? අර එකවුන්ටන්ලට , මේජර්ලට ඔලුව පැලෙන්න ගහ ගහ හිටපු , ක්ලබ් ගානේ ගිය මාලකයා , කැලණියේ දුරාචාර්යගේ පුතා ?

මහත්මයා කරුණාකරලා වැදගත් මහත්තුරුන්ට කථා කරන්න ඉගන ගන්න , විශේෂයෙන් රටේ ජනාධිපතිවරයාට ...

මොනවා මාලක සිල්වා ජනාධිපති ?

මහත්මයාට හොඳටම ඇල්ශයිමර්ස් ... 811 කෝල් කරලා කොළඹ ඇල්ශයිමර්ස් සෙන්ටර් එකට යන්න. මාලක සිල්වා මැතිතුමා තමයි අපේ රට ගොඩගත් නායකයා , තාමත් එතුමා තමයි තුන් වන පාරටත් වැඩීම චන්දයෙන් ජනාධිපති ලෙසට අපේ ජනතාව තෝර ගත්තේ. දැන් ඇමරිකන් ප්‍රසිඩන්ට් උනත් මැදපෙරදිග ප්‍රශ්න වලදී ජනාධිපති මාලකගෙන් තමයි ඇඩ්වයිස් ගන්නේ. ගිය අවුරුද්දේ යූ එන් එකේ ජනාධිපති මාලක කරපු කතාව නෙල්සන් මැන්ඩේලා කරපු කතාවටත් වඩා විශිෂ්ට බව ටයිම් සඟරාව වාර්තා කලා. 2061 මෑන් ඔෆ් ද යියර් උනේ ජනාධිපති මාලක.

අනේ සර් මට මොකුත් මතක නැහැ , අර 2012 දී මේජර් ගේ ඔලුව පලපු එකෙන් පස්සේ මොකද උනේ කියනවද ?

එක බොරු කතාවක් නේ හලෝ ඒ මේජර් බොරු චෝදනා ගොනු කලාට හමුදාවෙනුත් අපකීර්තිමත් විදියට එල්ලෙව්වා , නමුත් ඊට පස්සේ මාලක සිල්වා මැතිතුමා ඇමරිකාවට ගිහින් ඉගන ගත්තා , ඩිග්‍රිය කරලා ආපහු ලංකාවට ආවහම එතුමාට තේරුනා මේක පසුගාමී ගෝත්‍රික සමාජයක් කියලා. ඊට පස්සේ එතුමා කැළණියෙන් චන්දය ඉල්ලලා පාර්ලිමේන්තුවට ආවා . ටික කාලයයි ගියේ ඇමති පදවියක් ලැබුනා.

අධ්‍යාපන ඇමති . එදා තමයි ලංකාව දියුණු වෙන්න මුල් ගල වැටුනේ. එතුමා ලංකාවේ සියලුම ප්‍රධාන පාසල් , විශ්ව විද්‍යාල වල ප්‍රධාන තනතුරු සඳහා පිටරටින් සුදු මහත්තුරු ගෙන්නවලා අපේ අලුත් පරම්පරාවට කන බොන හැටි, පාරේ තොටේ යන හැටි, සමාජයේ හැසිරෙන හැටි, වාහන විනීතව එලවන හැටි, කුණු බැහැර කරන අන්දම වගේ දේවල් ඉගැන්නුවා . බලාගෙන ඉන්දද්දී අපේ බාල පරපුර , ශිෂ්‍ය පරපුර , විශ්ව විද්‍යාල ශිෂ්‍යයෝ සිවිලයිස් උනා , ඒ අය තමයි අපේ වැඩිහිටියන් ගෝත්‍රික තුප්පහි ගති වලින් මුදවා ගන්න විශාල වැඩ කොටසක් කළේ.

ඊට පස්සේ මාලක සිල්වා මැතිතුමාට සංස්කෘතික අමාත්යංශයත් භාර දුන්නා , මේ මහත්මයා දන්නවාද සංස්කෘතික අමාත්යංශය තමයි ලංකාවේ වැදගත්ම අමාත්යංශය. මුදල් අමාත්යංශයටත් වඩා වැදගත්. මීට කලින් හිටපු ජනාධිපතිවරු ඒ ඇමතිකම දුන්නේ පුස්සන්ට නිකං වේලි වේලි ඉන්න. නමුත් මාලක සිල්වා මැතිතුමා සංස්කෘතික අමාත්යංශයට අත ගහපු දා ඉඳන් ලංකාව වේගවත් සමාජ පරිවර්තනයකට ලක් උනා.

පිටරටින් උපදේශකයෝ, ට්‍රේනර්ස් ලා ගෙන්නවලා අපේ රටේ සියලු ජනතාවට සමාජ හැසිරීම, ආකල්ප ගැන මාස හයක පුහුණුවක් දුන්නා. අපේ මිනිස්සු බලාගෙන ඉන්නකොට වෙනස් උනා. වෙනදා සත්තු වගේ පාරේ ගිය මිනිස්සු නිසි තැන වලින් තමයි පාර මාරු උනේ. ප්‍රයිවෙට් බස් , ත්‍රීවිල් , අර ඇමරිකාවේ , කැනඩාවේ , ඕස්ට්‍රේලියාවේ මිනිස්සු වාහන එලවනවා වගේ විනීතව වාහන එලෙව්වා . වෙනදා මිනිසුන්ට අම්මා මතක් කරලා බැනලා කණට ගහන පොලිසිය විනීත උනා, රජයේ සේවකයෝ වැඩ කරගන්න එන මිනිසුන් පිලිගත්තේ ගුඩ් මොර්නිඞ් සර් මැඩම් කියලා.

දේශපාලකයෝ යහපත් උනා , දසරාජ ධර්මය නීතිගත උනා , හොරකම , වංචාව , කොමිස් නැතිවෙලා ගියා. ඉස්කෝල වල ගුරුවරු ළමයින්ට නිසි ගරුත්වය දුන්නා , විශ්ව විද්‍යාල වල නවක වදය නැතිවෙලා ගියා, පිටරට ප්‍රොෆෙසර් ලා සියලු විශ්ව විද්‍යාල වලට බඳවාගෙන විශ්ව විද්‍යාල අධ්‍යාපනය ඉහල දැම්මා , දේශණ කරන හැටි , හරියට පරියේෂණ කරන හැටි පරියේෂණ නිබන්ධන පළ කරන හැටි , වගේ දේවල් අපේ විශ්ව විද්‍යාල ආචාර්යවරුන්ට කියලා දුන්නා. අද බලන්න ලෝක 2062 ජගත් විශ්ව විද්‍යාල ශ්‍රේණිගත කිරීම් අනුව ලංකාවේ විශ්ව විද්‍යාල ඔක්කොම වගේ පළවෙනි 50 ඇතුලත ඉන්නවා.

වෙන්න බැහැ 2012 දී ඕවා තිබ්බේ ඉතියෝපියාවටත් එහා , ඒ කාලේ විශ්ව විද්‍යාල ස්ට්‍රයික් කළා උද්ඝෝෂණ තිබුනා , ළමයි , විශ්ව විද්‍යාල ආචාර්යවරු පෙළපාලි ගියා , මිනි පෙට්ටි උස්සන් ගියා,

යේස් ....යේස් .. අයි නෝ , මම ඉතිහාසය දන්නවා. එක තමයි පුතා කියන්නේ නායකත්වය කියලා. ඔන්න අපි කතාවෙන් කතාවෙන් කොළඹ විශ්ව විද්‍යාලයටත් ආවා , අර බලන්න ආර්ට් ෆැකල්ටි එකේ බිල්ඩින් වල ලොකු , ඒ කාලේ වගේ ආර්ට් ෆැකල්ටි එකේ ළමයි පොලු , පිහි අරගෙන මරා ගන්නේ නැහැ , බලන්න ඇඳගෙන ඉන්න ඇඳුම් ඔක්කොම ඩිසයිනර් , මේ අය ඉංග්‍රීසි විතරක් නෙවෙයි ෆ්‍රෙන්ච් පවා දන්නවා , හැමෝටම පොඩි කාර් එකක් මෝටර් සයිකල් එකක් තියනවා , ළමයින්ගේ අධ්‍යාපනයට ඇඳුම් වලට , වාහනයට ඔක්කොම මහපොළ ග්‍රාන්ට් එක ඇති. මදි උනොත් එඩියුකේෂන් බෑන්ක් ලෝන් එකක් අඩු පොලියට මහජන බැංකුවෙන් ගන්න පුළුවන් .

මේ විශ්ව විද්‍යාල වල ළමයින්ට අඩු මුදලකට කන්න පුළුවන් ෆුඩ් කෝට් තියනවා. විදේශ සිසුන් පවා ඉගන ගන්න එන නිසා ජපන්, තායි , ඉන්දියන් , මෙක්සිකන් කෑම හිටන් තියනවා . බලන්නකෝ හරියට පිටරට විශ්ව විද්‍යාලයක් වගේ නේද ? පේරාදෙණිය , කැලණිය උනත් මෙහෙමයි. මාලක සිල්වා මැතිතුමා ඕස්ට්‍රේලියාවේ මොනෑෂ් , ඇමරිකාවේ හාවර්ඩ් විශ්ව විද්‍යාල ආකෘති තමයි ලංකාවේ විශ්ව විද්‍යාල වල ක්‍රියාත්මක කළේ. අලුතින් ගහපු බිල්ඩින් පවා ඒ මොඩ්ල් එකේ. දැන් ඇමරිකාවෙන් ඕස්ට්‍රේලියාවෙන් එංගලන්තයෙන් පවා විදේශ සිසුන් එනවා ලංකාවේ විශ්ව විද්‍යාල වල ඉගන ගන්න. ඒ තරමට අපේ අධ්‍යාපනය ලෝකේ ඩිමාන්ඩ්.

එතකොට අන්තරේ ඒවාට විරුද්ද උනේ නැද්ද ?

හොක්... හොක් ...හොක් ..අන්තරේ නේද ? බලන්න පුතා අර බී එම් ඩබ්ලිව් එකේ ඇවිත් බැහැපු ටයි එකක් දාගත්ත පොෂ් කොල්ලා බස බස ගලා ඉංග්‍රීසියෙන් දේශීය විදේශීය සරසවි සිසුන්ට කථා කරන හැටි. ඊයේ කැන්ටිමේ දුන්න මෙක්සිකන් ෆුඩ් වල ලුණු ටිකක් මදි වෙලා , ඒකට විරෝධය පළ කරනවා . එයා තමයි අන්තරේ කැඳවුම්කරු.

වෙන්න බැහැ , ඒ කාලේ හිටියේ හිඟන ලුක් එක තියන, කෙට්ටු , කළු මුනේ සිරියාවක් නැති ක්‍රෝධය , හීනමානය ඔළුවට ගහපු , යටි ගිරියෙන් කෑ ගහන .........

හරි හරි සමාජය වෙනස් වෙනවා .... දැන් ඉන්නේ පොෂ් කොල්ලෝ සෙට් එකක් , විරෝධතාව පළ කරන්නේ මහා පාරවල් බ්ලොක් කරලා මිනිසුන්ට යන එනමං නැති කරලා සිසුන්ගේ අධ්‍යාපන අනාගතය අනාථ කරලා නෙවෙයි. දැන් බලන්න සිසු නියෝජිතයෝ ටිකක් තව ටිකකින් ඩීන් හමුවෙලා පෙටිෂන් එක භාර දෙයි. හවස් වෙනකොට ප්‍රශ්නය ඩීන් විසඳලා. දැන් ඉන්න උසස් අධ්‍යාපන ඇමති හරිම නම්‍යශීලි කෙනෙක්, ශිෂ්‍ය සංවිධාන සමග හරිම එකතුයි.

එතුමා කියන්නේ ශිෂ්‍ය සංවිධාන විශ්ව විද්‍යාල දියුණුවට යොදා ගන්න ඕනේ කියලා. අන්තරේ එක්ක නිතරම සාකච්ඡා කරලා ලංකාවේ විශ්ව විද්‍යාල දියුණු කරන්න බලනවා. අන්තරෙත් එහෙමයි , එක දවසක් , එක පැයක් විශ්ව විද්‍යාල අධ්‍යන කාලය නාස්ති කරන්න දෙන්නේ නැහැ. අන්තරේ මොඩ්ල් එක දැන් නිව් යෝර්ක් සරසවියත් අධ්‍යනය කරලා සිසු ගැටළු වලට එහෙත් අන්තරේ වගේ සංවිධානයක් ඇති කරන්න යනවා. අපි මේන් බිල්ඩින් ඒකට යමු එක්සිබිෂන් එක බලන්න , එකේ නම 2012 අපගේ ලැජ්ජා සහගත අතීතය , පරණ ෆොටෝ ගොඩක් බලාගන්න පුළුවන්

2012 ගැන මට බලා ගන්නට අමුතු දෙයක් නැත. මම අන්කල්ගෙන් සමු අරගෙන මහා පාරට ගියෙමි. ලංකාව සහමුලින්ම වෙනස් වී තිබේ. අහස උසට ගොඩනැගිලි ඉදිවී තිබේ. පාරවල් පිරිසුදුය. කුණු පොදක් බෙහෙතකටවත් නැත. මිනිසුන් විනීතය, නීති ගරුකය. මම රෑ බෝවන තෙක් කොළඹ නගරයේ කරක් ගැසුවෙමි. මහ රෑ වුවද ගෑනු ළමයි බයක් සැකක් නැතිව පාරේ යති , දිලිසෙන ලංගම බස් වල සිට් වල හිඳ ගැනීමට පවා මට ලෝබ සිතේ.

බස් වල ජැක් කාරයෝ නැත. විශාල අධ්‍යාත්මික වෙනසකට මුළු ලංකාවම ලක් වී තිබේ. කොපමණ සංවර්ධනයක් ලංකාවට ගෙන ආවද මාලක සිල්වා මැතිතුමාගේ කටවුට් එකක් , පෝස්ටරයක් පවා නැත. ඒ කාලයේ දෙගොඩතලාගෙන සයිරන් ගහගෙන මිනිසුන් යට කරගෙන ගිය ප්‍රභූ ආරක්ෂක වාහන නැත. සියලුම මිනිසුන් පාරේ තොටේ යන්නේ මයින්ඩ් ෆුල්නස් මෙඩිටේෂන් කරමිනි. මිනිසුන් එකිනෙකාට ගෞරව කරති. මේ මා දැන සිටි ලංකාව නොවේ.

මට මහා පාළුවක් එපා වීමක් දැනුනි. මගේ ඉවසීමේ සීමාව සිඳී ගියේය. මට මේ රට එපා , මේ ක්‍රමය එපා, මට ඕනේ 2012 තිබුන රට, අර සුදු වෑන් එන , මිනිසුන් බියෙන් හැඟවෙන , සරණලා කප්පම් ගන්න , අනුන්ගේ ඉඩම් ගෙවල් අල්ලා ගන්න , මර්වින්ලා මිනිසුන් ගස් බඳින , දේශපාලකයෝ නිදන් හාරන , කඩු හොරකම් කරන, දේශපාලකයන්ට පන්දම් අල්ලන නිලධාරී ඉන්න , උන්ට ගොට්ට අල්ලා ජිවත් වෙන ජනමාධ්‍ය කාරයෝ ඉන්න , අර යකඩ හොරා , දුමින්දලා නිරුපද්‍රිතව ඉන්න , පොලිසියෙන් අසරණයන්ගේ ඇටකටු කඩන, පුජකයෝ , භික්ෂුන් , පුසාරිලා ළමයි ,කාන්තාවෝ අපයෝජනය කරන , එළුවෝ මරණ , තැන තැන කුණු දාන , බුලත් කෙල ගහන, බස් වල අසහනය පිරුණු ජැක් කාරයෝ ඉන්න , එලෝ සිහියක් නැතිව කැමති කැමති විදියට වාහන එලවන රියදුරන් ඉන්න , විශ්ව විද්‍යාල සිසුන්ගේ ඔළුවට කොම්පියුටර් මොනිටර් වලින් ගහන , නවකයන් නිරුවත් කරන, විශ්ව විද්‍යාල ආචාර්යවරු සතියට පැය දෙකක් තුනක් උගන්වා බොරුව කරන , ඉතියෝපියාව සමග කරට කර සටනක් දෙන විශ්ව විද්‍යාල තියන , එන් ජි ඕ සල්ලි , දෙමල ඩයස්පෝරාවේ සල්ලි වලින් යැපෙන මානවවාදීන් ඉන්න , ජාතිවාදය , ගෝත්‍රවාදය තියන , උද්ඝෝෂණ වලදී ගිනි තියාගන්න, මැරෙනකම් උපවාස කරනවා කියන සඟරුවන ඉන්න , කොටි සමග ඩිල් දාන ෆාදර් ලා ඉන්න , මිනිසුන් ට්‍රෝලර් වල බටහිර රට වලට පළා යන අර ලස්සන ගුණවත් උතුම් රට මට ඕනේ. මට මේ අලුත් ලංකාව එපා. මම විලාප දුන්නෙමි.

මට ඇහැරුනේ ඔළුවට කව්දෝ හලපු වතුර බාල්දියකිනි

ඕයි කෑවනම් බිව්වනම් පව් නොදී යනවා , බාර් එකේ වේටර් කෙනෙක් මට කිව්වේය.

මම ඉක්මනට බාර් එකෙන් එලියට ආවෙමි. කිසිවක් වෙනස් වී නැත 2012 තිබුණු රට එලෙසම තිබේ. තැන තැන දාපු කුණුය. මිනිසුන් වෙනස් වී නැත , තාමත් මාලක පිටරට ගොස් නැත. අධ්‍යාපන ඇමති හිටපු එකාමය.

- අමිල ගුණරත්න