RSS
කතා නොකරන හදවතක් තුල, කොයි තරම් නම් කතන්දර වේද...? ඒ කතන්දර කියන්නට ඔබටයි මේ මොහොත.......! ඔබ දන්නා දේ බෙදා ගන්න.....! නොදන්නා දේ දැනගන්න.....! එන්න .....! අප සමග එකතු වන්න......!

Friday, August 31, 2012

CCTV තාක්‍ෂණය​ ගැන ඔබ නොදත් දේ


CC
ඔබ ඉන්නේ කොළඹ ජනාකීර්ණ ස්ථානයක නම් ඔබ දන්නවාද, ඔබව නිරීක්‍ෂණයට ලක්වන බව?
පහත තියෙන වීඩියෝව නරඹල ඒ ගැන දැනුවත් වෙන්න.
(දර්ශන අනුග්‍රහය – yaTV)

Thursday, August 30, 2012

ගුප්ත බලයක් ඇතැයි ඔප්පු කළොත් කාලෝ ෆොන්සේකාගෙන් ලක්ෂ 10ක්


Kalo Fonseka will give 1 Million to someone who has a mysterious power 

මෙකුට ගුප්ත ශක්තියක් තිබෙන බවට ඔප්පු කිරීමට හැකි වුවහොත් එම පුද්ගලයාට රුපියල් මිලියනයක් (ලක්ෂ 10ක්) ලබා දෙන 
බව මාහාචාර්ය කාලෝ ෆොන්සේකා මහතා පවසයි. මේ සඳහා අභියෝග 12ක් ඉදිරිපත් කර ඇති අතර ඉන් එකක් හෝ ඔප්පු කර පෙන්වීමට සමත් වුවහොත් මෙම මුදල ලබාගැනීමට ප්‍රමාණවත් ඇතැයි කාලෝ ෆොන්සේකා මහතා වැඩි දුරටත් කියා තිබෙනවා.

අභියෝග ජයගැනීම සඳහා ඉදිරිපත් වන පුද්ගලයින් ඒ සඳහා රුපියල් 10,000ක ඇප මුදලක් තැන්පත් කළ යුතුය.

මෙම අභියෝගය ජයගන්නා පුද්ගලයාට පිරිනැමීමට නියමිත රුපියල් ලක්ෂ දහයේ මුදල මේ වන විටත් සණස බැංකුවේ ස්ථාවර ගිණුමක තැන්පත් කොට ඇත.


කාලෝ ෆොන්සේකා මහතා ලබාදී ඇති අභියෝග 12 මෙසේය.

01. දැවෙන ගිනි අඟුරු මත යටි පතුල් නොපිලිස්සී තත්පර 30ක් සිටගෙන සිටීම.

02. ලියුම් කවරයක් තුළ දමා මුද්‍රා තබා ඇති ලංකාවේ වලංගු රුපියල් සියයේ මුදල් නෝට්‍ටුවක අංකය නිවැරදිව ප්‍රකාශ කිරීම.

03. විනිශ්චය මණ්ඩලය විසින් නම් කරනු ලබන ලංකාවේ වලංගු මුදල් නෝට්‍ටුවක් මවා පෙන්වීම.

04. විනිශ්චය මණ්ඩලය විසින් නම් කරනු ලබන කෙනෙකු විසින් පදවනු ලබන වාහනයක් "ගුප්ත බලයකින්" නතර කිරීම.


05. ආධ්‍යාත්මික හෝ වෙනත් ගුප්ත බලයක් හෝ උපයෝගී කරගෙන විනිශ්චය විසින් නියම කරනු ලබන වස්තුවක් අතුරුදහන් කිරීම.

06. විනිශ්චය මණ්ඩලය විසින් දෙන ද්‍රව්‍යක බර යටත් පිරිසෙන් 10%කින් වැඩි කිරීම හෝ අඩු කිරීම.

07. විනිශ්චය මණ්ඩලයේ අනුදැනුම මත වළලනු ලබන ද්‍රව්‍යක් ගුප්ත බලයකින් ගොඩහැනීම (උදා:- තරඟකරු විසින්ම පිළියෙල කළ "හූනියමක්" වුව කම් නැත. නමුත් ලෝහමය ඇසුරුමකට ඉඩදිය නොහැක්කේ එහිදී ඉලෙක්ට්‍රොනික උපාංග බාවිතා කළහොත් එය තරඟකරුගේ හාස්කමක් නොවන නිසාය.)


08. වතුර වයින් බවට හෝ පෙට්‍රල් ජලය බවට හෝ වයින් රුධිරය බවට හෝ පත් කිරීම.

09. හුදෙක්, විශ්ව ශක්ති බලට්යක් හෝ වෙනත් ගුප්ත බලයක් උපයෝගී කරගෙන හෝඅ විනිශ්චය මණ්ඩලය ඉදිරිපිටදී විනාඩි පහකට ලංකාව පුරා අන්තර්ජාලය (ඉන්ටර්නෙට්) අත්හි‍ටුවීම.

10. විවිධ පුද්ගලයන් දස දෙනෙකුගේ උපන් ස්ථාන, උපන් දිනයන් සහ වේලාවන් ලබාදුන් විට ඔවුන් සම්බන්ධව පහත සඳහන් විස්තර විනිශ්චය මණ්ඩලය වෙත ලබා දීම.

(අ.) ස්ත්‍රී පුරුෂ භාවය (ආ.) ජ්හීවතුන් අතර සිටීද මියගොස් ඇත්ද (ඇ.) ජීවතුන් අතර සිටීනම් ඔවුන් ජීවත් වන්නේ ශ්‍රී ලංකාවේද නැත්නම් විදේශයකද (ඉ.) මියගොස් ඇත්නම් ඒ කුමන වර්ෂයේදීද (උ) ඔවුන් උසුලන හෝ ඉසිලූ සමාජ තත්වය, වෘත්තිය. ‍රැකියාව.

11. ඔබ වෙත ඉදිරිපත් කරනු ලබන අසාධ්‍ය තත්වයේ රෝගීන් දස දෙනෙකුගෙන් පස් දෙනෙකු ‍තෝරාගෙන (අප විසින් දස දෙනාට අදාළ ලග්නය, උපන් දිනය, උපන් වේලාව, ජීවත් වන ප්‍රදේශය ආදී විස්තර ලබාදෙනු ඇත. කිසියම් නිශ්චිත කාලසීමවක් තුළදී ගුප්ත බලයක්, විශ්වශක්ති බලයක්, දේවාශීර්වාද බලයක්, මන්ත්‍ර බලයක් හෝ වෙනත් අද්භූත බලයක් මඟින් ඔවුන් සම්පූර්ණයෙන් සුවපත් කිරීම.

12. සම්පූර්ණ වශයෙන් දෑස් නොපෙනෙන හෝ ඇවිදීමට නොහැකි දස දෙනෙකු ඉදිරිපත් කළ විට (විනිශ්චය මණ්ඩලය විසින් දස දෙනාට අදාළ ලග්නය, උපන් දිනය, උපන් වේලාව, ජීවත් වන ප්‍රදේශ ආදී විස්තර ලබාදෙනු ඇත.) ඒ අතුරින් තරඟයෙන් ‍තෝරාගත් පස් දෙනෙකු ගුප්ත බලයක්, විශ්ව ශක්ති බලයක්, දේවාශීර්වාද බලයක්, මන්ත්‍ර බලයක් හෝ වෙනත් අද්භූත බලයක් මඟින් කිසියම් නිශ්චිත කාලසීමාවක් තුළදී සම්පූර්ණයෙන් සුවපත් කිරීම.

(10,11 හා 12 සම්බන්ධව තරඟකරුවන්ට ජෝතිෂ්‍ය පොත්පත්, ලිත්, කැලැන්ඩර් හෝ පරිගණකයක් භාවිතා කළ හැක.)

ඔබටත් පුලුවන්ද ??
මෙම අභියෝගය බාරගැනීමට කිසියම් කෙනෙකු සූදානම් නම් ශ්‍රී ලංකා හේතුවාදී සංගමය, 226, සයිමන් දියෙස් මාවත, මාදුපිටිය, පානදුර යන ලිපිනයේ තාරක (072 7449599), අමුණුගොඩ (077 3119398), සූරපාල (077 7295200) යන මහත්වරුන්ට ඇමතිය හැකිය. 

බිල් ගේට්ස් 'පැරදවූ' සැබෑ සුපිරි ධනවතා !!!

*****  Warren Buffet   ****

ඔහු ගැන....

1. ඔහු ඔහුගේ පලමු කොටස මිලදී ගන්නේ වයස අවුරුදු 11දී...ඒත් අද ඔහු කියනවා ඒත් පමා වැඩිලු... ඒ ගැන ඔහු අද පසුතැවෙනවලු !

ඒ කාලේ හරිම ලාබයි අදට වඩා..ඔබේ දරුවන් ආයෝජන වලට යොමු කරන්න...

2. පුවත්පත් බෙදා හැරීමේ රස්සාවකින් උපයන මුදලෙන් ඔහු අවුරුදු 14දී කුඩා ගොවිපලක් මිලදී ගන්නවා...

සුලු මුදලක් ඉතිරි කිරීමෙන් ඔබට බොහෝ දේවල් මිලට ගත හැකියි. ඔබේ දරුවන්ටත් කුඩා හෝ දෙයක් උපයන්නට හුරු කරවන්න...

3. ඔහු තවමත් ජීවත් වෙන්නේ ඔහු මීට වසර 50කට පෙර විවාහ වූ විට මිලට ගත් නිදන කාමර 3ක කුඩා නිවසේ.. ඔහු පවසන්නේ ඒ කුඩා නිවසේ ඔහුට අවශ්‍ය සියලු දේ ඈති බවයි. විශේෂය වන්නේ, ඔහුගේ නිවස වටා විශාල තාප්පයක් සහෝ වෑටක් අදටත් නොතිබීමයි...

ඔබට අත්‍යාවශ්‍ය දේ හැරුනු කොට වෙනත් අනවශ්‍ය දේ මිලට ගැනීමෙන් වලකින්න...ඔබේ දරුවන්ටත් එය හුරු කරවන්න...
 



4.ඔහු තවමත් ඔහුගේ මෝටර් රථය පදවාගෙන ඕනෑම තැනකට යන්නෙක්.. අදටත් ඔහුට රියෙදුරෙකු හෝ ආරක්ෂකයින් නෑ.

ඔබ ඔබම වන්න. එහි සැනසීම ඇත.

5. ඔහු කිසිදාක තම පුද්ගලික ගුවන් යානයක ගමන් යන්නේ නැහැ. එහෙත් පුදුමය වන්නේ ඔහු තමයි ලෝකයේ විශාලතම පුද්ගලික ගුවන් යාන සමාගමේ හිමිකරුවා !!

අරපිරිමැස්ම හැමවිටම හිතේ තබාගන්න...

6. ඔහුගේම ආයතනයක් වන සමාගම සතුව පවතින 63ක් වූ සමාගම් වල විධායක අධ්‍යක්ෂ වරුන්ට , මේ සුපිරි ධනවත් හාම්පුතාගෙන් වසරකට ලැබෙන්නේ එක ලියුමයි... එහි සඳහන් වෙන්නේ එලැඹෙන වසර සඳහා ඉල්ලක්කයන්... ඔහු කිසිදාක වසර පුරා රැස්වීම් , සාකච්ඡා පවත්වන්නේ නෑ. දුරකථන ඇමතුම් දෙන්නේ නෑ.

නිසි තැනට සුදුස්සා තෝරාපත්කර ගන්න...

7. ඔහු යටතේ සිටින විධායක් අධ්‍යක්ෂවරුන්ට ඔහු පනවා ඇත්තේ නීති 2ක් පමණයි..
1. ඔබේ කොටස්කරුවන්ට අහිමි කර නොගන්න
2. පලමු නීතිය අමතක නොකරන්න.

ඉලක්ක නිර්මාණය කොට දෙන්න... ඔවුන් ඉලක්කය කරා ගමන් කරනයුරු නිරීක්ෂණය කරන්න...

8. ඉහල පෙලේ ධනවතුන් සමග ඔහු සම්භාෂණ වල යෙදෙන්නේ ඉතාමත් අඩුවෙන්.නිවසට පැමිණෙන ඔහු වඩාත් ප්‍රිය කරන්නේ පොප් කෝන් හදා ඒවා අනුභව කරමින් රූපවාහිනිය නැරඹීමටයි..

ප්‍රදර්ශනය කිරීම අනවශ්‍ය දෙයක්.. ඔබේ ජීවිතය ඔබ විඳින්න නිදහසේ...

9. ඔහු ජංගම දුරකථනයක් හෝ පුද්ගලික පරිඝනකයක් පාවිච්චි කරන්නෙකු නොවෙයි...

10 ලොව සුපිරිම ධනවතා වන බිල් ගේට්ස් මේ අපූරු ධනවතාව මුණගැසුනා මීට වසර 5කට කලින්. බිල් සිතුවේ ඔහුට සහ මේ අපූරු ධනවතාට කතා බහ කිරීමට කිසිදු පොදු දෙයක් සොයා ගත නොහැකි වනු ඇත කියායි. එනිසාම ඔහු මේ සාකච්ඡාවට අරමුණු කරන්නේ පැය භාගයක කාලයක් පමණයි. නමුත් මෙම හමුව අවසන් වූයේ පැය 10ක සුන්දර කතාබහක් අවසන බිල් ගේට්ස් ලොව දෙවන ධනවතා ගේ අනුගාමිකයකු වීමෙන්...

ඔහු මේ අපූරු අදහස් පලකලේ CNN ආයතනය වෙනුවෙන් කල සම්මුඛ සාකච්ඡාවකදී.. ඔහු ලොව සමාජ කටයුතු සඳහා පරිත්‍යාග කල මුදල ඩොලර් බිලියන 31ක්.. !


ඔහු අවසන් වශයෙන් තරුණ පරපුර සඳහා අවවාද කිහිපයක් දෙන්නටත් අමතක කළේ නෑ..

ණය කාඩ් පත් වලින් මිදෙන්න... ආයෝජනය කරන්න...
1. මුදල් වලින් මිනිසෙකු තැනිය නොහෑකියි. මතක තබා ගන්න... මුදල් නිර්මාණය කලේ මිනිසායි !!!
2. සරල ජීවිතයක් ගත කරන්න.
3. අනුනට උවමනා දේ අසා සිටින්න. ඔබට උවමනා දේ , හොඳ යැයි සිතෙන දේම කරන්න.
4. වෙලඳ නාම වලට නොරැවටෙන්න. ඔබට සුව පහසු දේ අඳින්න පලඳින්න.
5. අනවශ්‍ය දේට වියදම් කරන මුදල්, අවශ්‍යතා ඇතියෙකුට පරිත්‍යාග කරන්න.
6. ඔබේ ජීවිතය... ඔබේ නිදහසේ ගෙවන්න... අනෙකෙකුට ඔබ පාලනය කිරීමට ඉඩක් නොතබන්න...

ලෝකයේ සතුටින්ම වෙසෙන්නන් සතුව ලෝකයේ හොඳම හැමදේ ගොඩ ගසා නැත... ඔවුන් සතුටෙන් සිටීමේ රහස ඔවුන් ඔවුන් සතු දේ අගය කිරීම සහ සෑහීමට පත් වීමයි...

උපුටාගැනීමකි..
elakiri.com

Sunday, August 26, 2012

හඳුනාගන්න HD TV (High Definition Television)



High Definition Television (හයි ඩෙෆිනිශන් ටෙලිවිශන්) හෙවත්HDTV යනු ඉතා ඉහල විභේදනයක් (resolution) සහිත රූපවාහිනී වර්ගයකි. ඩිජිටල් ටෙලිවිශන් (Digital TV - DTV) ගණයට අයත්වන එච්.ඩී.ටීවී රූපවාහිනී වල රෙසොලූශන් ඉතා ඉහල නිසා ඉතාමත් සුපැහැදිලි, තියුණු රූප තිරයේ මැවෙයි.උදාහරණයක් ලෙස දැනට අප නිවෙස්වල තිබෙන පෑල් (PAL) වර්ගයට අයත් රූපවාහිනීවල තිරයේ දිවන දර්ශණයේ රෙසොලූශන් එක (විභේදනය) 720×576 වෙයි. එනම්, තිරයේ රූපය නිර්මාණය කරන කුඩා රූපාංග (පික්සෙල්-pixel) 414,720 සමන්විතවෙයි.

ඔබගේ පරිගණකයේ WXGA LCD එනම් (Wide XGA resolution) වර්ගයේ තිරයක් ඇත්නම් ඔබට 800x600 (ලෝ රෙසොලූශන්) සිට 1360x768 (හයි රෙසොලූශන්) දක්වා පරාසයක් තෝරාගත හැක. බොහෝ පරිගණක WXGA LCD තිර 1360x768 රෙසොලූශන් එකකින් ක්‍රියාත්මක වීමට වින්ඩෝස් මෙහෙයුම් පද්ධතිය මගින් සකසා ඇත්තේ තියුණු රූපයක් ලබාදීම සඳහාය.

මේ නිසා ඔබ, ඔබගේ ඩී.වී.ඩී තැටි පරිගණකයක ධාවනය කර චිත්‍රපටිය නරඹනවිට ලැබෙන රූපය එම ඩී.වී.ඩී තැටියම සාමාන්‍ය රූපවාහිනියකට සවිකල ඩී.වී.ඩී යන්ත්‍රයක ධාවනය කලවිට ලැබෙන රූපයට වඩා තියුණු බවින් වැඩිය.

  මෙහි CRT TV යනු අප නිවෙස්වල ඇති කැතෝඩ කිරණ ටියුබයකින් සමන්විත රූපවාහිනී යන්ත්‍රයි.
නියම HDTV වලින් ලබාදෙන විභේදනය පරිගණක LCD තිරයක් මගින් ලබාදෙන විභේදනයටත් වඩා ඉහල විභේදනයක් ලබාදෙයි. මෙය පික්සල් (එනම් රූපාංග) 2,073,600 තරම් ඉහල අගයක් ගනී.

සාමාන්‍ය රූපවාහිනියකින් ලබාදෙන පික්සල් 414,720 ගණනකින් සැකසෙන රූපයක් හා නියම HDTV (True HDTV) රූපවාහිනියක පිකසල්  2,073,600 ගණනකින් සැකසෙන රූපයකත් මොනතරම් වෙනසක් ඇත්දැයි ඔබට සිතාගත හැක. නියම එච්.ඩී.ටීවී රූපවාහිනියකින් ඔබගේ රූපවාහිනිය මෙන් පස් ගුණයක් සුපැහැදිලි, තියුණු, ත්‍රීව්‍ර රුප ලබාදිය හැකිය.

Screen Resolutions of HDTV (source : Wikipedia)


දැනට HDTV මාදිලි තුනකින් (video mode) වෙලඳ පොලට නිකුත් වෙයි. මේවානම් 720p, 1080i හා 1080p යනුවෙනි. මෙහි 720 හෝ 1080න් දක්වන්නේ රූපවාහිනී තිරයේ මෙහි 720 හෝ 1080න් දක්වන්නේ රූපවාහිනී පික්සල් වලින් තිරයේ උස ප්‍රමාණයයි (එනම් 720 තිරයක සිරස් අතට පික්සල් 720ක් ඇත ).  p හෝ i වලින් දැක්වෙන්නේ රූපය ගොඩනගන තාක්ශණ දෙවර්ගයයි. පී යනු ප්‍රොග්‍රෙසිව් ස්කෑන් (progressive scan) තාක්ශණයෙන් රූපය ගොඩනගන රූපවාහිනී තිරවලටයි. අයි යනු ඉන්ටර්ලේස් තාක්ශණයෙන් (interlace scan) රූපය ගොඩනගන රූපවාහිනී තිරවලටයි. HDTV තාක්ශණය නිවැරදිව වටහාගැනීමට රූපය ගොඩනගන ප්‍රොග්‍රෙසිව් හා ඉන්ටර්ලේස් තාකශණ වටහා ගතයුතු නිසා එය වැඩිදුර හදාරමු.

Progressive Scan


රූපවාහිනි තිරයක චල රූපයක් ලෙස දිස්වන්නේ ඉතාවේගයෙන් ඇඳෙන නිසල රූ විශාල ප්‍රමාණයක් නිසාය. මේ නිසල රූ ෆ්‍රේම්ස් (frames) ලෙස හඳුන්වන අතර ෆ්‍රේම් එකක් ගොඩනැගෙන්නේ තිරස් තීරු (horizontal lines) විශාල සංඛයාවක් එකතුවීමෙනි (රූපසටහන බලන්න ) . 1080 රෙසොලූශන් එකක් ඇති එච්.ඩී ටීවී තිරයක එක ෆ්‍රේම් එකක තිරස් පික්සල් තීරු 1080 ඇත. ඒ අනුව එක ෆ්‍රේමයක් නිර්මානය කිරීම සඳහා රූපවාහිනි යන්ත්‍ර ඉතාවේගයෙන් පික්සල් තීරු 1080ක් ඇඳ ෆ්‍රේම් එක ගොඩනගයි. සැනෙකින් එම ෆ්‍රේමය මැකීගොස් ඊලඟ ෆ්‍රේමය ඇඳෙයි. සාමාන්‍යයෙන් රූපවාහිනි තිරයක තත්පරයට නිසල ෆ්‍රේම් 50-60 සංඛයාවක් ඇඳීමෙන් චල රූපයක් නිර්මාණය වෙයි. මෙය රූපවාහිනියේ සංඛ‍යාතය නොහොත් ෆ්‍රීක්වන්සි එක ලෙස හඳුන්වයි. මෙය ෆ්‍රේම් රේට් (frame-rate) ලෙසද හඳුවයි.

ප්‍රොග්‍රෙසිව් ස්කෑන් ක්‍රමයේදී සිදුවන්නේ රූපය සැකසෙන තිරස් පික්සල් තීරු සියල්ලම සෑම රූපයක්ම (frame- ෆ්‍රේම් එකක්ම) වෙනුවෙන් සම්පූර්ණයෙන් සටහන් වීමයි. ප්‍රොග්‍රෙසිව් ස්කෑන් ක්‍රමයෙන් මැවෙන රූප ඉන්ටර්ලේස් ක්‍රමයෙන් මැවෙන රූප වලට වඩා ඉතා පැහැදිලි වන නමුත් මේ සඳහා ඉහල තාක්ශණයක් අවශ්‍ය බැවින් ප්‍රොග්‍රෙසිව් ස්කෑන් රූපවාහිනී, ඉන්ටර්ලේස් රූපවාහිනිවලට වඩා මිලෙන් අධිකය.

Interlace Scan

ඉන්ටර්ලේස් තාක්ශනයේදී සිදුවන්නේ සෑම ෆ්‍රේම් එකක්ම සියලුම පික්සල් තීරුවකින්ම සකසනවා වෙනුවට ෆ්‍රේමයෙන් ෆ්‍රේමයට ඇඳෙන තීරු වෙනස් කිරීමයි. එනම් පලමුවන ෆ්‍රේමයේදී ඔත්තේ සංඛ්‍යාවකින් දැක්වෙන තීරු පමණක් ඇඳෙන අතර ඉරට්ටේ සංඛ්‍යාවකින් දැක්වෙන තීරු ඇඳෙන්නේ නැත. ඊලඟ ෆ්‍රේමයේදී ඉරට්ටේ තීරු ඇඳී ෆ්‍රේමය සැකසෙන අතර ඔත්තේ තීරු ඇඳෙන්නේ නැත. මේ ක්‍රමයෙන් රුපයේ තියුණු භාවය අඩුවෙන අතර චල රූප දැක්වීමේදී දෝශ පෙන්වයි. එහෙත් ඉන්ටෙර්ලේස් තාක්ශණය ලාභදායි නිසා මෙවැනි රූපවාහිනි (එච්.ඩී.ටීවී ) වුවත් සාපේක්ශව මිලෙන් අඩුවේ.

ඉන්ටර්ලේස් ක්‍රමයට සැකසෙන චලරූපයක ඇතිවෙන දෝශ පහත රූපයෙන් වටහා ගත හැකිය.


යම් නිශ්පාදකයෙක් සිය එච්.ඩී. ටීවී රූපවාහිනි තාක්ශණය 1080i ලෙස හඳුන්වාදෙන්නේ නම් එම රූපවාහිනිය ඉන්ටර්ලේස් වර්ගයට අයත් ප්‍රොග්‍රෙසිව් ස්කෑන් වර්ගයට වඩා අඩු තාක්ශණයේ රූපවාහිනියක් වනු ඇත. සැබැවින්ම ගත්කල 720p HDTV රූපවාහිනියක් 1080i HDTVරූපවාහිනියකට වඩා හොඳ රූපයක් ලබාදෙන බව කියැවේ. 720ට වඩා 1080 විබේධනය (screen resolution) ඉහල වුනත් ඉන්ටර්ලේස් තාක්ශණයේ අවාසි නිසා 720p රූපවාහිනිවල image quality 1080i වලට වඩා ඉහලය.

HDTV Aspect ratio

ඇස්පෙක්ට් රේශියෝ (aspect ratio) ලෙස හඳුන්වන්නේ රූපවාහිනී තිරයක පලල හා උස අතර අනුපාතයයි. අප භාවිතා කරන ඇනලොග් වර්ගයේ රූපවාහිනී තිරවල ඇස්පෙක් රේශියෝව 4:3 වෙයි. එනම් පලල 4 වනවිට උස 3ක් වෙයි. තිරයේ විශාලත්වය අඟල් කීයක් වුවත් ඇස්පෙක් රේශියෝව වෙනස් නොවේ. උදාහරණයක් ලෙස අඟල් 25ක් ඇනලොග් රූපවාහිනියක තිරය අඟල් 20ක් දිග වන අතර අඟල් 15ක් පලල් වේ. ඒ 4:3 අනුපාතයටයි.

අලුත්ම පරිගණක මොනිටර් හා එච්.ඩී ටීවී නිමවා ඇත්තේ 16:9 අනුපාතයටයි. මේ අනුව පලල 16ක් වන තිරයක උස 9ක් ලෙස සැකසේ. 16:9 අනුපාතය නිසා ප්‍රේක්ශකයාට වඩා පුලුල් රූපයක් දර්ශණය වේ.

True HD

ටෲ එච්.ඩී හෙවත් සැබැවින්ම එච්.ඩී තාක්ශණයෙන් ලැබෙන උපරිම image quality ලබාදෙන රූපවාහිනී ටෲ එච්.ඩී ලෙස හැඳින්වේ. දැනට වෙලඳ පොලේ ඇති ටෲ එච්.ඩී රූපවාහිනි යන්ත්‍ර 1080p මාදිලියේ ඒවා වෙයි.

HDTV Broadcasters

තාක්ශණයෙන් ඉහල නිසාත්, උපකරණ මිල අධික නිසාත් දැනට එච්.ඩී ටීවී විකාශයන් සිදුකරන්නේ බටහිර රටවල් කිහිපයක කේබල් නාලිකා කිහිපයක් පමණකි. මේවා අතර TNT, ESPN, Discovery, ESPN, and HBO ප්‍රධාන වේ.



Blu Ray Disks

බ්ලූ රේ ඩිස්ක් යනු ගිගාබයිට 50ක ධාරිතාවයකින් යුතු සී.ඩී රොම් වර්ගයේ ප්‍රකාශ තැටියකි (optical disk). අධික ධාරිතාව නිසා බ්ලූ රේ ක්‍රමයට සකසන ලද චිත්‍රපට වලට එච්.ඩී තාක්ශණයේ ඉතා ඉහල විබේධනයකින් යුතු චිත්‍රපට ගබඩා කල හැකිය. මේ නිසා බ්ලූ රේ තැටි ධාවන යන්ත්‍රයක් 1080ප් මාදිලියේ එච්.ඩී රූපවාහිනි යන්ත්‍රයකට සම්බන්ධ කොට බ්ලූ රේ ක්‍රමයට සකසන ලද චිත්‍රපටයක් නරඹනවිට ඉහලම වින්දනයක් ලබාගත හැකිය.

ඕලන්දයේ විද්‍යාගරයක බිහිවෙන අනාගතයේ ගොවිපොල

හිරු එළිය නොමැතිව රතු-නිළ් ආලෝකයේ වැවෙන මාළුමිරිස් පැළ
අදවන විට ලෝකය උග්‍ර ආහාර අර්බුදයක එලිපත්තට පිවිසෙමින් තිබේ. ලෝක ජනගහනයෙන් අඩකටත් වැඩි සංඛ්‍යාවක් දැනටමත් මන්දපෝෂණයෙන් පෙලෙන අතර කාළගුණික විපර්යාස හා ස්වභාවික ව්‍යසනයන් නිසා පලදාව අඩුවෙමින් පවතින අතර පෙර නොවූ විරූ ලෙස ආහාරද්‍රව්‍ය වල මිලගණන් ඉහල යමින් පවතී. මේ අතරම ලොව බොහෝ රටවල් නියඟයෙන් පීඩාවිඳින අතර තවත් රටවල්වල නිරන්තර ජලගැලීම් නිසා වගාවන් විනාශවී යයි. අද බිලියන 6.8වන ලෝක ජනගහනය 2050වන විට බිලියන 9 දක්වා ඉහල යාහැකි බවට එක්සත් ජාතීන්ගේ සංවිධානය ගණන්බලා තිබේ. මේ වැඩිවන ජනගහනයට, ජලය හිඟ, පලදාව අඩු වගාබිම් වලින් ආහාර සපයන්නේ කෙසේද? වැඩිවන ජනගහනය සඳහා ආහාර සැපයිමට තවතවත් වනාන්තර කපාදමමින් වගාබිම් පුලුල් කළයුතු අතර පරිසරයට විනාශකාරී කෘත්‍රිම පොහොර හා රසායණික වල්නාශක හා කෘමිණාශක භාවිතය ඉහල දැමිය යුතු වෙනවා. ඒ වගේම ජල හිඟය විසඳුමක් නොමැති ගැටලුවක්.ඉතාම නුදුරු අනාගතයේදී ලෝකයේ බොහෝ රටවල්වලට මුහුණපෑමට සිදුවන බරපතල ගැටලුවකි මෙය.

මේ ගැටලුවට පිලියමක් තමන් සොයාගෙන ඇතිබව ඕලන්දයේ පෞද්ගලික පර්යේශණ ආයතනයක් වන ප්ලාන්ට්ලැබ් ආයතනය පවසයි.

"අප ජීවත් වන ලෝකය ආරක්ශාකර ගැනීමටත්, වැඩිවන ජනගහනයට සෑහෙන ලෙස ආහාර නිශ්පාදනය කරගැනීමටත් අපට අපගේ වගාක්‍රම වෙනස්කරගන්නට වෙනවා..."ප්ලාන්ට් ලැබ් ආයතනයේ ප්‍රධාන පර්යේශකයෙකු වන ගර්ට්ජන් මීවුස් පවසයි.

ගර්ට්ජන් හා තවත් ඕලන්ද ජීව ඉන්ජිනේරුවන් දෙදෙනෙකු අප සැම අසා ඇති "ග්‍රීන් හවුස්" නම් වගා සංකල්පය තවත් එක් පියවරක් ඉදිරියට ගෙනගොස් තිබෙනවා. ඔවුන්ගේ විද්‍යාගාරය තුල සාමාන්‍ය සූර්යාලෝකයද නොමැතිව සරුසාරව වැවෙන වගාබිමක් නිර්මාණය වී තිබෙනවා.

Plant Lab ගෘහස්ථ පැල තවානක්
 මේ වගාබිම ආලෝකමත් වන්නේ ඉතා කාර්යක්ශම LED විදුලි බුබුලුවලින්. LED විදුලිබුබුලක් පැය 50,000ක් එනම් නොකඩවා වසර 5ක් එකදිගට දැල්විය හැකිවන අතර CFL බල්බවලට වඩා බලශක්තිය ඉතිරිකරනවා. එමෙන්ම මෙම විදුලිබුබුලු වලින් නිකුත්වන්නේ සාමාන්‍ය සුදු ආලෝකය නොව පැලෑටි වර්ධනය සඳහා අවශ්‍ය රතු හා නිල් ආලෝකය පමනයි. රතු හා නිල් ආලෝකය පමණක් නිකුත්කරන LED බල්බ සුදු ආලෝකය නිකුත් කරන LED බල්බ වලටත් වඩා බලශක්තිය ඉතුරු කරනවා.

"ඇත්තටම පැලෑටි වැවීමට හිරු එලිය අවශ්‍ය නෑ. පැලෑටි වැවීමට අවශ්‍යවන්නේ නිල් හා රතු තරංග ආයාම වල ආලෝකය පමණයි. ඒ විතරක් නොවෙයි සූර්‍යාලෝකය වැඩිපුර ලැබීම පැලෑටිවල වර්ධනය බාල කරනවා. අපේ ගෘහස්ථ ගොවිපොලේ ආලෝකය ලබාදෙන්නේ පැලෑටි වලට අවශ්‍ය නියම ප්‍රමාණයට පමනයි..' ප්ලාන්ට් ලැබ් ප්‍රධාන ජීව ඉන්ජිනේරු ගර්ට්ජන් මිවුස් පවසනවා.

ජීව ඉංජිනේරු ගර්ජන්ට් මීවුස්
ප්ලාන්ට් ලැබ් විද්‍යාගාරයේ එක් ගෘහස්ථ වගාබිමක මාළුමිරිස්, ස්ට්‍රෝබෙරි හා කෙසෙල් ගස් නිල් හා රතු ආලෝකයෙන් නැහැවෙමින් සරුසාරව වැඩී ඇති අතර පලෑටි වවා ඇති තැටිවලට ඉතා ක්‍රමාණුකූලව හෙමින් ජලය කාන්දුවීමට සකස්කොට තිබෙනවා. මෙහි උශ්ණත්වය සෑම විටම නොවෙනස්ව පවතින ලෙස පරිගණකයක් මගින් පාලනය කරන අතර දිවා රාත්‍රී චක්‍රය ඇඟවීම සඳහා පැය 10-12 අතර කාළයක් බල්බ නිවී පැලෑටි අඳුරේ තැබෙනවා.

ජලය, නිල්/රතු ආලෝකය හා උශ්ණත්වය නියමාකාරයට පාළණය කලවිට බෝග වර්ග ඉතාම කාර්යක්ශම ලෙස වැවෙනවා. මේ නිසා පැලෑටිවලට මල්, ගෙඩි, කරල් හා අල වැනි මිනිසාට ප්‍රයෝජනවත් කොටස් වර්ධනය කිරීම ඉක්මණට කරන්නට පුලුවන් හරියටම බ්‍රොයිලර් කුකුල් ගොවිපොලවල් වල නියමාකාරයට කළමණාකරණය කල බ්‍රොයිලර් කුකුලන් දින 45 ඇතුලත නියම බරට වැඩෙනවා වගේ. දැනට ගොවීන් බෝග වගාකරන ක්‍රම ඉස්සර බ්‍රොයිලර් ක්‍රමය ප්‍රචලිතවීමට පෙර කුකුලන් ඇති කිරීම වගේ. පැලෑටි වල ශක්තිය නිරපරාදේ පරිසරයට ඔරොත්තු දෙන්නට වැයවී ප්‍රයෝජනවත් අල, කරල්, ගෙඩි නිශ්පාදනය අඩුවෙනවා. ගෘහස්ථවගාබිම් වල මේ සියලු සාධක හොඳින් පාලණය වන නිසා පැලෑටි කාර්යක්ශමව වැඩී පළදාව ඉක්මණින් ලැබෙනවා.

ප්ලාන්ට් ලැබ් ගෘහස්ථ වගාබිම්වල බෝග සඳහා ජලය ඉතා අඩුවෙන් වැය වෙනවා. සාමාන්‍යයෙන් බෝගයක් සඳහා අවශ්‍යකරන ජල ප්‍රමාණයට වඩා 75% අඩු ජලප්‍රමාණයකින් ඔවුන් වැඩි පලදාවක් ලබාගෙන තිබෙනවා.උදාහරණයක් විධියට ඉතා හොඳින් ජල කළමණාකරණයක් තිබෙන ඊශ්‍රායලයේ වගාබිමක තක්කාලි කිලෝවක් වැවීම සඳහා ලීටර් 60ක පමණ ජල ප්‍රමාණයක් අවශ්‍ය වෙනවා. එහෙත් ප්ලාන්ට් ලැබ් වගාබිමේ තක්කාලි කිලෝවක පලදාවක් ලබාගැනීමට වැය වන්නේ ලීටර් 15ක් පමණයි.

හයිබ්‍රිඩ් එන්ජිමක් සහිත මෝටර් රථයක් ක්‍රියාකරන්නේ කෙසේද?





අද ලෝකයේ වඩාත්ම ජනප්‍රිය හයිබ්‍රිඩ් කාරය වන ටොයෝටා ප්‍රියස් කාරයේ කොටස් හඳුනා ගනිමු.

2012 Prius C - Dashboard Digital Displays



















Power-split transmission

ප්‍රියස් කාරයේ වැදගත්ම උපකරණය වන්නේ පවර්-ස්ප්ලිට් බල සම්ප්‍රේශකයයි. මෙය පැට්‍රෝල් එන්ජිම, ජෙනරේටරය හා විදුලිමෝටරය එකට සම්බන්ධකරමින් කාරයේ ධාවන අවස්ථාවට, එනම් ධාවන වේගයට, බර ප්‍රමාණයට හා මාර්ගයේ ස්වභාවයට අනුව අවශ්‍ය බලය රෝදවලට සම්ප්‍රේශණය කරයි.

ප්‍රියස් රථය නිර්මාණය කර ඇති ආකාරයට එහි විදුලි මෝටරයට, පෙට්‍රෝල් එන්ජිමේ ආධාරයක් නොමැතිව රථය ඉදිරියට ධාවනය කල හැකි අතර, පෙට්‍රෝල් එන්ජිමටද මෝටරයේ සහය නැතුව රථය ධාවනයේ යෙදවීමට පුලුවන. එමෙන්ම අවශ්‍ය නම් විදුලි මෝටරයට, පෙට්‍රෝල් එන්ජිම හා එක්ව බලය ලබදිය හැකිය.

කුමන ආකාරයට රෝදවලට බලය ලබාදිය යුතුදැයි තීරණය කරන්නේ වහනයේ පරිගණකය වන අතර ඒ අනුව පවර්-ස්ප්ලිට් උපකරණය මගින් මෝටරයෙන්, එන්ජිමෙන් හෝ ඒ දෙකෙන්ම බලය ගෙන රෝදවලට සපයයි.


දැන් අපි, ප්‍රියස් රථයේ පරිගණකය හා පවර්-ස්ප්ලිට් උපකරණය විවිධ ධාවන අවස්ථා සඳහා කාරය බලගන්නවන ආකාරය සොයා බලමු.





සඳ මත මුලින්ම පා තබමින් මනුෂ්‍ය වර්ගයා වෙනුවෙන් මහ දිගු පිම්මක් පිනූ වීරයා - නීල් ආම්ස්ට්‍රෝංගේ නික්ම යෑම


මෙය මිනිසා තැබූ එක් පුංචි පියවරක්. සමස්ත මනුෂ්‍ය වර්ගයා වෙනුවෙන් කළ දැවැන්ත පිම්මක්” 
මෙම සුප‍්‍රසිද්ධ කියමන අපට මුල්වරට අසන්න ලැබුණේ මීට වසර 43කට පෙර සඳ මත පා තැබූ ප‍්‍රථම මිනිසා වෙමින් ඉතිහාසයට එක් වූ නීල් ආම්ස්ට්‍රෝංගෙනි. ඔහු එදා, 1969 ජූලි 20 වැනිදා, මෙම ප‍්‍රකාශය කළේ සඳ මත පළමු මිනිස් පා සටහන තබමිනි. ඇමෙරිකාවේ නාසා ආයතනයේ ‘ඇපලෝ 11’ චන්ද්‍ර ගවේෂණ මෙහෙයුමට නායකත්වය දුන්නේ නීල් ආම්ස්ට්‍රෝංය. සඳ මත පය තබා වසර 43 කට පසු ඔහු පෙරේදා (25) ජීවිතයෙන් සමුගත්තේය. ඒ රෝගීව, රෝහල් ගත කර බයිපාස් හදවත් සැත්කමකට භාජන කිරීමෙන් ද පසුවය. මියයන විට ඔහු 82 හැවිරිදි වියෙහි පසුවිය.


 
මිනිස් සංහතිය වෙනුවෙන් හඳට ගිය පළමු වැන්නා නීල් ආම්ස්ට්‍රෝං ඒ ඓතිහාසික පියවර තැබීමට පෙර. ඉන් වසර 42කට පසු ඔහු 82 හැවිරිදි වියේ දී හෘදයාබාධයකින් මිය ගියා.

හෘදයාබාධයක් හේතුවෙන් සැත්කමට භාජන කිරීමට අජටාකාශගාමී ආම්ස්ට්‍රෝං රෝහල් ගත කරන ලද්දේ මීට සති දෙකකට පමණ ඉහතදීය. ආම්ස්ට්‍රෝංගේ අභාවය ගැන කනගාටුව පළ කළ ඇමෙරිකානු ජනාධිපති බැරක් ඔබාමා ශෝක පණිවුඩයක් නිකුත් කරමින් කියා සිටියේ නීල් ආම්ස්ට්‍රෝං ඇමෙරිකාවේ ශ්‍රේෂ්ඨ වීරවරයකු බවය. 1969 වසරේ දී ගගනගාමී ආම්ස්ට්‍රෝං, එඞ්වින් ඕල්ඞී‍්‍රන් සහ මයිකල් කොලින්ස් සඳට යෑම සුවිශේෂ ඓතිහාසික සිදු වීමක් බවත් ඔවුන්ගේ එම වීර වික‍්‍රමය මුළු මහත් ඇමෙරිකාවටම අභිමානයක් බවත් ජනපති ඔබාමාගේ ශෝක පණිවුඩයේ සඳහන් වේ. ආම්ස්ට්‍රෝං පළමුවරට සඳ මත පය තැබීම, මිනිසා ලැබූ අති විශිෂ්ඨ ජයග‍්‍රහණයක් යැයි ද ඔබාමාගේ පණිවුඩයේ වැඩිදුරටත් සඳහන් වෙයි.


ඇමෙරිකාව සහ සෝවියට් දේශය අභ්‍යවකාශතරණයට අවතීර්ණ වුණේ නිරවි යුද සමයේදීය. මුලින්ම අභ්‍යවකාශතරණයට යොමු වූයේ සෝවියට් දේශයයි. ප‍්‍රථම වරට මිනිසකු උඩුගුවනට යැවීමෙන් සෝවියට් දේශය ලත් ජයග‍්‍රහණයෙන් පසුව ලෝක බලවතුන් දෙදෙනාගේ තරගය අභ්‍යවකාශයට යොමු විය. අවසානයේදී සඳ මතට මිනිසකු මුලින්ම යැවීමෙන් සිය අභිමානය රැක ගැනීමට ඇමෙරිකා එක්සත් ජනපදය සමත් විය. ඉන්පසු සඳ වෙත ඇපලෝ මෙහෙයුම් මාලාවක් දියත් කළ අතර අවසන් වරට ඇමෙරිකානුවන් සඳ මත පය තැබුවේ 1972 වසරේදීය. ඒ ‘ඇපලෝ 17’ අභ්‍යවකාශ මෙහෙයුම යටතේය. 1969 ජූලි 20 වැනිදා ඊගල් චන්ද්‍ර යානාවෙන් සඳ මතට ගොඩබැස මුලින්ම සඳ මත පා තැබුවේ නීල් ආම්ස්ට්‍රෝං ය. ඔහුට සහාය වෙමින් සඳ මත පය තැබූ දෙවැන්නා වූයේ එඞ්වින් ඕල්ඞී‍්‍රන්ය. ඔවුන් සඳ මතට ගොස් පස් රැගෙන එන තෙක් මයිකල් කොලින්ස් ඔවුන් සඳේ කක්ෂය වෙත රැගෙන ගිය කොලොම්බියා යානාවට වී චන්ද්‍ර කක්ෂයේ රැඳී සිටියේ ආපසු පෘථිවිය බලා එන ගමනට සහය වන්නටය. ඕල්ඞී‍්‍රන් සහ කොලින්ස් තවමත් ජීවතුන් අතර සිටින අතර මේ වන විට ඔවුන්ගේ වයස පිළිවෙළින් අවුරුදු 82 ක් සහ 81 කි.



 
නීල් ආම්ස්ට්‍රෝං හඳ මතුපිට ප‍්‍රථම පියවර තැබූ ඒ ඓතිහාසික මොහොත. 1969 ජූලි 20 වැනිදා සඳේ නිසල නිම්නයේදී.


 
හඳට ගිය පළමු මිනිසා වෙමින් නීල් තැබූ ඒ ඓතිහාසික පියවර. ‘මිනිසාගේ මේ පුංචි පියවර මිනිස් වර්ගයා වෙනුවෙන් තැබූ මහා පිම්මක්’ නීල් ඒ මොහොතේ එහි සිට අපට කීවා.

‘ඇපලෝ 11’ ගගනගාමීන් සඳ තරණය කර වසර 40 ක් පිරීම නිමිත්තෙන් 2009 දී ඇමෙරිකානු ජනාධිපති ඔබාමාගේ අනුග‍්‍රහයෙන් ධවල මන්දිරයේ පැවැති විශේෂ උත්සවයේ ප‍්‍රධාන අමුත්තන් තිදෙනා වූයේ නීල් ආම්ස්ට්‍රෝං, එඞ්වඞ් ඕල්ඞ්රීන් සහ මයිකල් කොලින්ස්ය. එම සුවිශේෂී අවස්ථාවේදී මිනිස් ඉතිහාසයේ මහා පෙරැළියක් සනිටුහන් කළ ඒ වීරයන් තිදෙනාට ප‍්‍රණාමය පුද කරමින් ඇමෙරිකානු ජනාධිපති ඔබාමා කියා සිටියේ ඇමෙරිකානු අභ්‍යවකාශ වැඩසටහන තව තවත් ශක්තිමත් කිරීමට තමා පියවර ගන්නා බවයි. ධවල මන්දිරයට පැමිණි ගගනගාමීන් තිදෙනා ඉතා උණුසුම් ලෙස ගෞරවයෙන් පිළිගත් ජනාධිපති ඔබාමා ඔවුන් සමඟ ඡායාරූපවලටද පෙනී සිටියේය. ”සිත යොමු කළොත් ඕනෑම අභියෝගයක් ජයගන්න ඇමෙරිකානුවන්ට පුළුවන්” ඔබාමා එම අවස්ථාවේදී ද ඉතා ආඩම්බරයෙන් ප‍්‍රකාශ කළේය. 


නීල් ආම්ස්ට්‍රෝංගේ සමුගැනීම වීරයකුගේ නික්ම යෑමක් යැයි ඇමෙරිකාවේ නාසා ආයතනය පවසයි. ”අභ්‍යවකාශ යුගයේ මීළඟ අදියර සඳහා දැන් අප සූදානම් විය යුතුයි. මතු පරපුර සඳහා නාසා ආයතනයේ අභ්‍යවකාශ වැඩසටහන් තව තවත් ශක්තිමත් කිරීමට ඇමෙරිකානුවන් වශයෙන් අපි සැවොම එක් වී කටයුතු කළ යුතු වෙනවා. අපේ මීළඟ ඉලක්කය වන්නේ අඟහරු ග‍්‍රහලොවට යෑමයි. මේ වන විටත් ඒ සඳහා පිඹුරුපත් සකස් කෙරෙනවා.” යැයි නාසා ආයතනය පවසයි.


”නීල් ආම්ස්ට්‍රෝං අද අපේ මියගිය ජාතික වීරයන් අතරට එක් වුණා. සඳට ඇගේ ප‍්‍රථම පෘථිවි පුත‍්‍රයා අහිමි වුණා” ඇමෙරිකානු ප‍්‍රතිවාදී රිපබ්ලිකන් ජනපති අපේක්ෂයා වීමට සූදානමින් සිටින මිට් රොම්නි ද පවසා ඇත.


නාසා ආයතනය මෙම ඇපලෝ මෙහෙයුම් මාලාව දියත් කළේ සඳ තරණය හා ගවේෂණය සඳහාමය. ඇපලෝ මෙහෙයුම් නවයක් අතුරින් මෙහෙයුම් හයකදීම මිනිසුන් සඳ මත පතිත කරවීය. සඳට ගියේ නීල් ආම්ස්ට්‍රෝං, එඞ්වඞ් බස් ඕල්ඞ්රීන් පමණක් නොවේ. නීල් ආම්ස්ට්‍රෝංට පසු තවත් ගගනගාමීන් 19 දෙනෙක් එම වික‍්‍රමයට සහභාගී වූහ. ඔවුන්ගෙන් පස් දෙනකු ම මේ වන විට මිය ගොසිනි. 




නීල් ආම්ස්ට්‍රෝං උපන්නේ 1930 වසරේ අගෝස්තු 5 වැනිදා, ඇමෙරිකාවේ ඔහියෝ ජනපදයේ වපකොනිටා නුවරදීය. ආම්ස්ට්‍රෝං 6 හැවිරිදි වියේ දී කළ සිය ප‍්‍රථම ගුවන් ගමනින්ම ගුවන් යානා පදවන්නට ආසාවක් ඇති කර ගත්තේය. එහි ප‍්‍රතිඵලයක් වශයෙන් ඔහු වයස අවුරුදු 16 දී, ගුවන් යානා පැදවීමේ බලපත‍්‍රයක් ලබා ගත්තේය. ඉන්පසු ඔහු 1949 දී ගුවන් හමුදාවට බැඳුණේය. 1955 වසරේදී පෘඞ් සරසවියෙන් ගගන ඉන්ජිනේරු විද්‍යාව සම්බන්ධයෙන් උපාධියක්ද 1970 වසරේ දකුණු කැලිෆෝනියා සරසවියෙන් අභ්‍යවකාශ ඉන්ජිනේරු විද්‍යාව සම්බන්ධයෙන් ශාස්ත‍්‍රපති උපාධියක් ද හිමි කර ගත්තේය.


1962 වසරේදී ගගන කටයුතු සඳහා ආම්ස්ට්‍රෝං තේරුණේ සහායක ගගනගාමී කණ්ඩායමක් යටතේයි. මුලින් ඔහු ‘ජෙමිණි 5’ යානාවේ ආධාරක නියමුවා ලෙස කටයුතු කළේය. ඉන්පසු ‘ජෙමිණි 8’ යානාවේ ප‍්‍රධාන අණ දෙන නියමුවා ලෙසත් ‘ජෙමිණි 11’ යානාවේ ආධාරක නියමුවා ලෙසත් කටයුතු කළේය. ඇපලෝ වැඩසටහන් මාලාවට සම්බන්ධ වීමෙන් පසු ඔහු ‘ඇපලෝ 8’ මෙහෙයුමේදී ආධාරක නියමුවා ලෙස කටයුතු කළේය. සඳ බලා ගිය ‘ඇපලෝ 11’ මෙහෙයුමට නායකත්වය දුන්නේ ආම්ස්ට්‍රෝංය. ඒ නිසා සඳමත පය තැබූ පළමු මිනිසා වුණේ ඔහුය. 1970 වසරේ නාසා ආයතනයේ ගගනයානා විද්‍යා පරිපාලන අංශයේ නියෝජ්‍ය පරිපාලකවරයා ලෙස රාජකාරි ඇරැඹුවේය. 1971 වසරේදී ඔහු විශ‍්‍රාම ගියේය.


1957 වසරේ ඔක්තෝබර් 4 වැනිදා, නිරවි යුද සමයේ උච්චම කාලවකවානුව විය. ඇමෙරිකාව සහ සෝවියට් දේශය න්‍යෂ්ටික අවිවලින් සන්නද්ධ වී එකිනෙකාට තර්ජනය කරගනිමින්, එකිනෙකාට අවි අමෝරාගෙන සිටියේ මේ නිරවි යුද සමයේදීය. එහෙත් ප‍්‍රහාරයක් එල්ල කිරීමට කිසිවකුවත් ඉදිරිපත් නොවිණි. මේ අතර හිටිහැටියේම රාතී‍්‍ර අහස කිසියම් ආලෝකයකින් දීප්තිමත් විය. රුසියාවේ සයිබීරියාවට ඉහළින්, ඇමෙරිකාවේ නෙබ්රැුස්කා බඩ ඉරිඟු වතු යායවලට ඉහළින්, ඇල්පයින් වනාන්තරයට ඉහළින් මෙන්ම අපි‍්‍රකා කාන්තාර ප‍්‍රදේශවලට ඉහළ අහසේ මේ අලූත් අමුතු දීප්තිමත් ආලෝකයක් ඉතා වේගයෙන් ඉහළ අහසට ඇදී යනවා දකින්න ලැබුණි. 


එම ආලෝකය විහිදුණේ අහසේ ගමන් කළ කිසියම් වස්තුවකිනි. ඒත් එය ගුවන් යානයක් නොවිය. පසුව වාර්තා වූයේ එය සෝවියට් දේශය විසින් උඩුගුවනට යවන ලද උපග‍්‍රහයකු බවය. චන්ද්‍රිකා යන නමින් එය හැඳින්වූ තවත් කලකට පසුවය. එය පොළොවේ සිට කිලෝ මීටර් 800 ක් ඉහළ අහසේ රැඳෙමින් එය පෘථිවි කක්ෂයේ ගමන් කළේ පැයට කිලෝ මීටර් 29,000 ක් වේගයකිනි. ඉන්පසු ගතවුණු මාස තුන පුරා එය පෘථිවි කක්ෂයේ රැඳෙමින් අනාරාධිතව සහ අනවසරයෙන් එය ලෝකයේ සෑම රටකටම ඉහළින් ගමන් කරන්නට විය. එපමණක් නොව එය පණිවුඩ එවීමට ද පටන් ගත්තේය. මෙය අභ්‍යවකාශ තරණයේ නවයුගයක් ආරම්භ කිරීමක් විය. මුළු ලොවම වෙනස් කළ ඓතිහාසික සංසිද්ධියක් ද විය. ඒ, ‘ස්පුට්නික්’ නමැති චන්ද්‍රිකාවේ මංගල ගමනයි. නිරවි යුද සමයේ ලෝක බලවතුන් දෙදෙනා අතර ඇති වූ අභ්‍යවකාශය ජය ගැනීමේ සටන ආරම්භ වූයේ මෙසේය. එය අවසන් වූයේ ඇමෙරිකාවේ නාසා ගගනගාමී නීල් ආම්ස්ට්‍රෝං පළමු සඳ මත පය තබා, සඳ ජය ගැනීමත් සමඟය.


නීල් ආම්ස්ට්‍රෝංගේ පවුලේ අය ඔහු මිය ගිය පුවත ලොවට ප‍්‍රකාශ කරමින් අපූරු සඳහනක් කර තිබුණේය.”මීළඟ වතාවේ හඳ දෙස බලන විට ඔහු වෙනුවෙන් සිහිපත් කරන්න අමතක කරන්න එපා!”



 
නීල් හා එඞ්වින් දෙදෙනා ඇමරිකානු ධජය සඳ මත පිහිටුවන අයුරු ඊගල් චන්ද්‍ර යානයේ ස්වයංකී‍්‍රය කැමරාවෙන් රූ ගත කෙරුණා.


 
ඒ ඓතිහාසික මොහොතේ සඳ මත පා තැබීමෙන් පසු නීල් සඳ මතුපිට උපකරණ සවි කළ අයුරු ටෙලිවිෂනයෙන් ලොව පුරා අඩ බිලියනයක් ජනතාව මෙසේ දැක බලා ගත්තා.


 
සඳ මත ගොඩ බැස්සවූ ඇපලෝ 11 අභ්‍යවකාශ යානයේ ප‍්‍රධාන නියමු නීල් ආම්ස්ට්‍රෝං ඒ ඓතිහාසික පියවර තබන්නට පෙර එහි සිටි ආකාරය




 
නීල් වසර කීපයක් තිස්සේ ම වීඩියෝ කැමරා හැසිරවීම පිළිබඳව පුහුණුවක් ලැබුවා


 
සඳ මත පා තැබූ දෙවැන්නා එඞ්වින්  ඕල්ඞ්රින් ඇමරිකානු ධජයට ආචාර කළ අයුරු.


 
සඳ මත ලූනා මොඩියුලය අසල ඉන්නා නීල් ආම්ස්ට්‍රෝං පින්තුරය ගත්තේ ඕල්ඞ්රින්


 
සඳ බලා ඔවුන් ගෙන ගිය සැටර්න් - 5 රොකටය ගමන් ආරම්භ කළ අයුරු


 
සඳ බලා ගිය ඒ ඓතිහාසික ගමන ආරම්භ වූ මොහොත - ඉදිරියෙන් යන්නේ ආම්ස්ට්‍රෝංය.


 
සඳ බලා ගිය ඒ ඓතිහාසික ගමන සඳහා ෂටලයට නැගීමට යන අයුරු - ඉදිරියෙන් යන්නේ ආම්ස්ට්‍රෝංය.


 
සඳ බලා ගිය පිරිස - (1969) නීල් ආම්ස්ට්‍රෝං, මයිකල් කොලින්ස් හා එඞ්වින් ඕල්ඞ්රින්.


 
සඳ ගමනට පෙර 1969 ජූලි මාසේ ගත් ඇපලෝ 11 නියමු නීල් ආම්ස්ට්‍රෝංගේ නිල ඡායාරූපය.


 
මෑත කාලයේ දී ආම්ස්ට්‍රෝං ප‍්‍රථම ඇමෙරිකානු අජටකාශගාමියා ජෝන් ග්ලෙන් උපහාර උළෙලේ දී ප‍්‍රසිද්ධ කතාවක් කළ අයුරු.


 
සඳ බලා ගිය ඒ ඓතිහාසික ගමනේ 40 වැනි වස සැමරූ මොහොත ධවල මන්දිරයේ දී -  ඕල්ඞ්රින්, කොලින්ස් හා නීල් ජනාධිපති ඔබාමා සමග.


 
නීල් ආම්ස්ට්‍රෝං ජනපති ඔබාමා සමග 40 වැනි සමරුවේදී.


 
නීල් ආම්ස්ට්‍රෝං වොෂිංටනයේ මැතිසබයේ දේශනයක් කරද්දී නැගූ ප‍්‍රශ්නයකට සිනාසුණු මොහොතක්.


 
සඳ ජය ගත් පසු ලොව වටා ගිය ආම්ස්ට්‍රෝං බි‍්‍රතාන්‍යයේ මහ රැජින හමු වූ අවස්ථාව. රැජින සමග ඉන්නේ ඇන්ඩෘ කුමරුයි.



Read more: http://www.malkakulu.com/2012/08/blog-post_26.html#ixzz24fSzbGN2

සිම්පල් ප්ලෑන් එක..!


ටියුෂන්ටියුෂන් සහ ටියුෂන්! මට දැං මේ ටියුෂන් කෙරුවාව එපා වෙලා! ඇත්තටම ඉගෙනගන්න වෙන සිම්පල් ප්ලෑන් එකක් ඇත්තෙම නැද්ද?”

මගේ හදවත විලාප දෙනවා. ඉගෙනගන්නවා කියලා මෙහෙමත් ඉගෙනගන්නවාදමගේ තරුණ කාලේ මං හිතුවේ එහෙමයි.

පොඩි කාලෙ මං ඉස්කෝලෙට බාරදෙද්දී අම්මා කිව්වා ඕං පුතේ දොස්තර කෙනෙක් වෙයං කියලා.
තාත්තා කිව්වා නෑ පුතේ උඹ ඉංජිනේරුවෙක් වෙයං කියලා. 
බාප්පා කිව්වා උඹ මං වගේ ලෝයර් කෙනෙක්‍ වෙයං කියලා. 
එතකොට මට හිතුනා ඔව් ඔව්එතකොට මට පුළුවං හොඳට දුප්පත් එවුන්ගෙන් ගරාගන්න කියලා.
කොහොමහරි මං ශිෂ්‍යත්වේ පාස් වුනා. නිකම්ම පාස් වුනා නම් මදෑ කියමුකෝමං උඩින්ම පාස් වුනා. 



මගේ කරුමෙට මට ගම දාලා කොළඹ එන්න වුනා සදහටම. මං කොළඹ මහප්ප්‍රාණ තාප්ප අතරේ අතරමං වුනා. උඩ බැලුවාම බිල්ඩිමේ  මුදුන හොයාගන්න බැරිවුනා. කොළඹ පාරකට අඩිය තිව්වේ කොයි වෙලාවක හරි යෝධ වාහනයක් ඇවිල්ලා මාව චප්ප චපිරි කරලා දාවි කියලා හිතාගෙන. කන් බෙරේ පලාගෙන යන හෝන් සද්දෙට මගේ කං දෙක බීරි වුනා. මං පංති ගිහිල්ලා කට ඇරගෙන බීරි වෙච්ච කං වලින් යකඩ කටින් ඇහෙන සද්දෙට අනුව ටයිප් රයිටරයක් වගේ අතට පෑන අරං ඇක්සයිස් පොතේ කොටාගෙන කොටාගෙන ගියා. දවසට දෙකට පෑන් ඉවරවුනා. ඇරිච්ච කට වහගන්නබැරිවුනා. අන්තිමට මට කතාකරගන්න බැරිවුනා. රෑ එළිවෙනකන් මම පාඩම් කරා. ගෑනු පරාණයක් දිහා ඇහැක් ඇරලා බැලුවේ නෑ. දවසක් මෙසේ යට තියලා තිබ්බ වතුර බාල්දියට නිදිමතේම පොත අතෑරියා. නිදිමතේම මේසේ උඩට වෙලා නිදාගත්තා. පහුවෙනිදා උදේ බලද්දී පොත දියවෙලා. මං ඉතින් මොකෑ කරේමං වගේම තවත් එකෙක් මහන්සියෙන් ලියපු පොතක් ඉස්සුවා.
මම ඊට පස්සේ විශ්ව විද්‍යාලයට රිංගලා ලක්ෂ කෝටි ගාණක් වටින පාඨමාලා නොමිලේ හදාරලා,නමට යටින් ඉංග්‍රීසි හෝඩියේ අකුරු දහ පහළොහක් ගහගෙන කොටට තිබ්බ මගේ නම ඉස්සරහින් තව මහා… කෑල්ලක් ගහගෙන විශ්ව විද්‍යාලයෙන් එළියට බැස්සා. බැහැලාපත්තරේ දාලා තිබ්බ දැන්වීමක් බලලා ලොකු පවුලක වරදට සමාව ඉල්ලපු ගෑනු කෙනෙක් එයාගේ දෑවැද්ද එක්කම කසාද බැඳලා අවුරුදු පහ හයකට පස්සේ හීං සීරුවේ දික්කසාද කරලා දැම්මා.
දැං මං රජයේ ආයතනයක ලොකු පුටුවක්. මං ඉගෙනගන්න කාලෙදී වැඩි දියුණුකරගත්ත පොට්ටකම,බීරිකමහොරකම මට ගොඩක් ප්‍රයෝජනවත් වුනා මට මේ තැනට එන්න. මං මගේ දෙමව්පියෝ අමතක කරලා දැම්මාමට හිත මිතුරෝ නෑ.
ඒක කොච්චර සිම්පල් ප්ලෑන් එකක්දඅහ්මගේ කොන්ද පන නෑ වගේ! මං හිතන්නේ මේ මම දේශපාලනයට එන්න ඕනේ කාලේ කියලා


ප.ලි-   
මේක සුපුන් සුදාරක අයියා පෝස්ට් කෙරූ කතාවකි.
ලින්ක්- http://blog.sudaraka.com/2009/03/30/simple-plan-short-story/

ජීවිත අත්දැකීමක්......!!

අලුත් වැස්සක් .....

අද මෙහෙ පුදම වැස්සක් වැහැල පැව්වේ මුළු පරිසරේම සීතලයි.............හදවත අලුත් කරනවා වගේ ඔහොම ඉන්නකොට මට ලස්සන කතාවක් මතක් උනා

මේ සිද්දිය මම උසස් පෙළ ජෙනරල් ඉන්ග්ලිෂ් ටියුෂන් පන්තියේ මගේ මිතුරියෝ දෙදෙනෙකුගේ කතාවක්....අපේ ජෙනරල් ඉන්ග්ලිෂ් පන්තියට එනවා..එතන ඉන්නවා .මගේ හොදම මිතුරන් කණ්ඩායමට අයත්වෙන මගේ හොදම මිතුරියක් අපි එයාට වෙන නමක් විදිහට කල්පනී කියමු ............කල්පනී ගැණු පිරිමි භේදයක් නැ හැමෝම එක්ක එකවගේ කතා කරනවා ....කොල්ලන්ට ග
ොඩක් උදව් කරනවා ....හරිම සාහිත්‍යශීලි කෙල්ලෙක්.......කොටින්ම කිවොත් හොදම යාළුවන්ගෙත් හොදම යාලුවෝ වගේ .......අපේ පෞද්ගලික ප්‍රශ්නත් එයාගේ ගොඩක් රහස් .. ප්‍රශ්නත් ...එයා මට කියනවා ..ඉතින් මෙයත් එක්ක පන්ති එනවා මෙයාගේ යාලුවෙක් රශ්මිලා කියලා එයත් අපි එක්ක හොදට කතා කරනවා ....ඉතින් දවසක් අපි කල්පනිගෙන් ඇහුවා උඹට කොල්ලෙක් දාල දෙන්නද බන් කියලා ...ඒ ගමන මෙකි ටික වෙලාවක් කතා නොකර ඉඳලා..මට කිවා මට අනේ ආපහු කොල්ලෝ එපා බන් කියලා මම ඇහුවා....
ආහා ...එහෙනම් කල්පනිටත් කොල්ලෙක් ඉඳලා තියෙනවා ආ.....කියලා
මම ඇහුවා මොකෝ බන් කොල්ලට උනේ කියලා ඇහුවා......
ඒ ගමන මම දැක්කා කල්පනිත් එක්ක එකට අපේ පන්ති එන රශ්මිලා මුණ පොඩ්ඩක් වෙනස් වෙනවා...එත් මම එක අහන්න ගියේ නෑ මම ඒ වෙනුවට කියපන්කො කතාව කියලා තව ටිකක් බල කලා......
ඒ ගමන කල්පනා මට කිවා දැන් කියන්න බෑ ඔයි පස්සේ අපි sms ගහන වෙලාවක කියන්නම්කො කියලා ......එත් එදා හවස මම ඔය ගැන අහල කල්පනිට sms එකක් දැම්මට එයා ඒ ගැන කිවේ නැ...අපි බ්‍රහස්පතින්දා හවස පන්ති ඉවර වෙලා වෙලේ පාරෙන් එනකොට කියන්නම්කො කිවා .....මම හා කියලා sms එකක් දැම්මා..පස්සේ බ්‍රහස්පතින්දා පන්ති ඉවර වෙලා ඇහුවා දැන්වත් කියපන්කො මොකක්ද බන් කතාව කියලා ඒ ගමන එයා මට කතාව කිවා ...එක ගොඩක් දිගයි කෙටියෙන්ම කිවොත් එයා යාළුවෙලා ඉදලා තියෙන්නේ එයාලගේ අල්ලපු පාරේ හිටපු සුදේශ් කියලා කොල්ලෙක් එක්ක......මේ දෙන්නා ගොඩක් ආදරෙන් ඉඳලා තියෙනවා .....පස්සේ ගෙදරින් ආපු කරදර නිසා මෙයට එක නවත්වන්න වෙලා තියෙනවා (දැන් සුදේශ් නාවික හමුදාවේ සේවයට ගිහින් ඉන්නේ )
එත් මට මෙයා ගොඩක් දුක හිතුන කතාවක් කිවා ඒ මෙයාගේ ආදරය ගෙදරට අසුවුන හැටි.....
මම කලිනුත් කීවානේ මෙයාගේ හොදම යාළුවා රශ්මිලා කියලා කල්පනී ඒ දවස් වල රශ්මිලට නොකියපු රහසක් නැ...ඒ තරම් විශ්වසෙන් තමයි දෙන්නා ඉඳලා තියෙන්නේ එත් ..රශ්මිලා ..කල්පනිගේ ආදර සම්බන්දය කඩන්න කල්පනිගෙන් උත්සහ කරලා තියෙනවා ...මට මේක කිවම අදහගන්න බැරිවුනා මොකෝ මේ දෙන්නා හැසිරෙන්නේ හොදම මිතුරියන් වගේ නිසා....
කල්පනී සුදේශ් අයියා සමග යාළුවෙලා සිටින කාලයේදී දිනක් රශ්මිලා ඇයට මගහැරුණු සටහන් වගයක් ලියාගැනීමට අවශ්‍යයි කියලා කල්පනිගේ පොතක් රැගෙන ගොස් ගිහින් තියෙනවා.....කල්පනී රැගෙන යාමට පෙර රශ්මිලාට පවසලා තියෙනවා .....ඔයා ඔය පොත අරන් යන්න ඔකේ මට සුදේශ් අයියා දුන්නු ලියුමක් ඇති එක මැද පිටුවේ තියෙන්නේ බලාගෙන වැටෙයි කියලා ......
කල්පනී මෙම ලිපියක් සහිත පොත රශ්මිලාට දුන්නේ ඇති යාලුකමටත් දැඩි විශ්වාසයක් නිසාය එහෙත් රශ්මිලා පොත ඉල්ලාගෙන ගොස් කල්පනිගෙන් පලිගැනීමට ඕනෑ කමට .පොත කලප්නිගේ අතට නොදී කල්පනී නැති දවසක් බලා ...සුදේශ් අයියා දුන් ..ලියුම පොතේ ඉදිරි පිටුවෙන්ම තබා කල්පනිගේ මවට ලබාදුන්නේය පසුව මෙය දුටු කල්පනිගේ මව කල්පනිටත් රහසින් රශ්මිලාගෙන් මේ ගැන අසා ඇත රශ්මිලා අකුරක් නැර සියලුම විස්තරය කල්පනිගේ මවට පවසා ඇත්තේ තමාගේ හොදම මිතුරියක් අමාරුවේ වැටෙනවා බලාසිටීමට නොහැකි බව පවසමින්ය ...(එහෙත් මම දන්නා පරිදි සුදේශ් ඉතාමත් දක්ෂ ක්‍රියාශීලි මත්ද්‍රවයට ඇබ්බැහි නොවූ කොල්ලෙකි මා ඔහු සමග සරුංගල් ඇරීමට ගොස් ඇත )...........එදින හවස කල්පනී පල්ලියේ පුජාවට යාමට රශ්මිලාට කතා කලවිට හිසේ රුදාවක් බව පවසා රශ්මිලා කල්පනී සමග පුජාවට යාම මගහැර තිබේ පසුව ...පුජාව අවසාන වී නැවත ගෙදර පැමිණි කල්පනිට ගෙදරින් මහා බැනුම් සහ ගුටි වරුෂාවකට මුහුණ දෙන්නට විය ....ඉන්පසු මෙම සම්බන්දය නැවැත්වීමට නොහැකි තැන කල්පනිගේ අයියා සුදේශ් කැඳවා සුදේශ් ඉදිරියේ කල්පනිට පහර දී තිබේ ...මෙවැනි වඳ බන්දන දිනෙන් දින වැඩිවුන නිසා මෙයා බලා සිටීමට නොහැකි නිසා සුදේශ් සහ කල්පනී ප්‍රේම සම්බන්දය නවත්වා තිබේ ඉන්පසු සුදේශ් සිය මවගේ නිවාස ඔහුගේ නෑයෙකුට භාර දී කෑගල්ලට පදිංචියට ගොස් නාවික හමුදාවට බැදුණි...............කල්පනී රශ්මිලාට කලා වරදකුත් නොමැත......රශ්මිලාටද කඩවත පැත්තෙන් කොල්ලෙකු සිටියි එහෙත් රශ්මිලා .........කල්පනී සුදේශ් අයියා සමග යාලුවී සිටින අලුත පවා එයා විනශ කිරීමට කුමන්ත්‍රණ කර ඇත ......වරෙක කල්පනිට තවත් ප්‍රේම සම්බන්දයක් ඇතිබව කියා සුදේශ් අයියට බොරු කියා ඇත............

එහෙත් මෙම කතාවේ නියම කරුණ වන්නේ මේ සියල්ල පිටුපස සිටියේ රශ්මිලා බව ගෙදර අය නොපැවසුවත් කල්පනී එය දැනගෙනත් රශ්මිලාට එය නොදන්නා ලෙස රගපැමයි.....

මම දිනක් රශ්මිලගේ තව තොරතුරු මොනවාද කියා විමසු විට ඇය මට ලස්සන කතා ටිකක් මට sms කර තිබුණි එයා කෙටියෙන්ම කිවොත් මෙසේය......
මම මේවා උඹට කිවොත් මම බලු කෙල්ලෙක් වෙනවා..එත් උබ මගේ අයියා වගේ කොහොමත් එහෙමනේ උබලගේ අම්මයි අපේ අම්මයි එක ඉස්කෝලේ එක පන්තියේ යාළුවොනේ .....මේකයි රශ්මිලා කියන්නේ හොද කෙල්ලෙක් නෙවෙයි ...එයා කොල්ලෝ එක්ක යාළුවෙලා පොකට් එක එවර වෙනකම් හින්දලා.....ගෙදරින් කෙස් කියලා කොල්ලන්ට බුට් තියෙනවා ...උඹට මතකද අපි ට්‍රිප් එක ගිය දවසේ එකී ෆොටෝ ගහපු ඩිජිටල් කෑම් එක ඕකත් ගනේමුල්ලේ කොල්ලෙක් එක්ක යාළුවෙලා උගෙන් කඩාගත්ත එකක් ඔය වගේම වැඩක් අපේ පන්තියේ එකෙකුටත් කලා පව් බන් උ සිරාමයි ඕකිට ලව් කලේ ඕකි උටත් බුට් තිබ්බා ....මම නම් මගේ යාලුවෙක්ටවත් ඕකිව යාලු කරන්නේ නෑ.....දැන් මෙතන යන්නේ ඩබල් ගේමක් අන්ජු අපේ පන්තියේ ආකාශ්(අපට ජෙනරල් ඉන්ග්ලිෂ් පන්ති කරන ගුරුවරයාගේ බාල සහෝදරයා ඔහුද අප වයසේය ) එක්ක රශ්මිලා තියෙන්නේ මට පෙන්නේ යාළුකමට වඩා වැඩි දෙයක්......ඒ මදිවට අර කලින් හිටපු කඩවත කොල්ලාගේ යාලුවෙක් එක්කත් යාළුවෙලා ඉන්නේ කිවා..............

දැන් කල්පනිට යෝජිත විවාහයක් නිවෙසින් කතාකර තිබේ එහෙත් තාමත් කල්පනී රශ්මිලා තවමත් මිතුරියන් සේ ආශ්‍රය කරයි ඇත්තටම එය දකින අය දකින්නේ කල්‍යාණ මිතුදමක් ලෙසය එහෙත් දෙදෙනාගේම සිත් තුල අළු යට ගිනි ඇත ...

දිනක් මම මේ පිළිබඳව කල්පනිට කිවේ ....බලාගෙන කල්පනියෝ ඕකි උබේ ඔය ලව් එකත් කඩන්න හදයි පරිස්සම් වෙයන් කියලා ඒ ගමන කපනි ඉතාමත් ලස්සන දෙයක් මට sms කර තිබිණි ........
පිස්සුද බන් රෑ වැටුන වලේ දවල් වැටෙන්නේ නැ මම .....මම දැන් සතා දැනගෙන ආශ්‍රය කරනවා අර බයිබලේ තියෙන්නේ

""ඔබේ සතුරාට සාගිනි නම් කන්න දෙන්න; පිපාස නම් බොන්න වතුර ටිකක් දෙන්න; මෙසේ හිස ගිනි ගත් කෙනෙකු මෙන් ඔහුට දැරිය නොහැකි ලැජ්ජාවකින් දැවීමට සලසනු ඇත. සමිදුන් ඔබට විපාක දෙනු ඇත.""
කියලා අන්න ඒ වගේ ඕකිට දැනෙන්න උදව් කරනවා එතකොට හිතින් විඳවයිනේ ඕකි හොදට...සිරාවට ඇයි බන් මෙහෙම මගෙන් පළිගන්න හදන්නේ මගෙන් කිසි වරදක් වෙලා නැනේ ඕකිට බන්.......ඔකිගේ එකපාරක් ලව් එකක් මට්ටු වෙලා මමයි හෙන ගේමක් දීල බේරාගත්තේ ඕකිට දුන්න ලියුම් ටිකයි සිම් එකයි අපේ ගෙදර හංගගෙන තියාගෙන ඉදලා නැත්නම් මේකිව එදා එල්ලනවා උන්ගේ තාත්තා .
මොනා උනත් මම පින් කරලා තියෙනවා උබයි විජ්ජායි(විජය) ඉන්න එකනම් ලොකු හයියක් බන් උබලා හරියට මගේම අයියලා වගේ බන් අනේ බන් උබලත් මව උබලා මගේම නංගි කෙනෙක් වගේ බලාගනින් එක මට ලොකු හයියක් බන් මට .....................කියා ඇය කිවේය

කෙසේහෝ කල්පනී සහ රශ්මිලා තවමත් කල්‍යාණ මිතුරෝ ලෙස දකින අයට පෙනේ එහෙත් සැබෑ කතාව දන්නේ මා හා විජ්ජා පමණි......

මෙවැනි මිතුරු වෙසින් සිටින හතුරන් ඔබටද මුණගැසී හමුවී ඇති කියා මම විශ්වාස කරමි .............

(නම් පමණක් මනස්කල්පිතයි )