RSS
කතා නොකරන හදවතක් තුල, කොයි තරම් නම් කතන්දර වේද...? ඒ කතන්දර කියන්නට ඔබටයි මේ මොහොත.......! ඔබ දන්නා දේ බෙදා ගන්න.....! නොදන්නා දේ දැනගන්න.....! එන්න .....! අප සමග එකතු වන්න......!

Monday, June 18, 2012

◄ දඬු මොණර තාක්‍ෂණයෙන් 2016 දී ශ්‍රී ලාංකිකයෙක් උඩුගුවන ජයගනියි ►



රාවණ රජු පිළිබඳ විමසූ සැණින් කාගේ වුව මතකයට නැගෙනුයේ දඬුමොණරයයි. රාවණ යුගය කොතරම් දියුණු තත්ත්වයක පවතින්නට ඇතිද යන්න සිතා බැලීමට ඇති හොඳම සාධකය වන්නේද දඬුමොණරයයි. කාලයේ වැලි තලාවෙන් වැසීයමින් පැවතුණු රාවණ යුගය පිළිබඳ යළි උනන්දුවක් ලොවපුරා ඇතිවන්නට ද හේතු වූයේ මේ රාවණ ගුවන් තාක්‍ෂණයයි. දෙවැනි ලෝක යුද්ධයට පෙර කාලයේදී හිට්ලර් විසින් ටිබෙටයට යවන ලද ඔත්තුකරුවන් පිරිසක් ටිබෙට් ආරාමවල පැවිදි වී හොර රහසේ යමක් සෙවූහ. ඒ කිසිවක් නොව ධර්මාශෝක රජු විසින් අවසන් වරට භාවිතා කළ, රාම විසින් ඉන්දියාවට රැගෙන ගිය රාවණ පරපුර සතුව පැවති ගුවන් තාක්‍ෂණයයි.

ධර්මාශෝක රජු මෙම ගුවන් තාක්‍ෂණයේ මෙන්ම යුධ තාක්‍ෂණ රැසක පැවති විනාශකාරී බව අවබෝධ කරගෙන එම තොරතුරු ග්‍රන්ථාරූඪ කර හොර රහසේ ට්බෙටයේ ලෙන් විහාර තුළ සඟවා තැබීය. මෙසේ සඟවා තැබූ ගුවන් තාක්‍ෂණය ජර්මනියට ගෙනගිය අතර විවිධ හැඩවල ගුවන් ‍යානා ජර්මනිය තුළ රහසේ නිෂ්පාදනය විය. ඒ අතර වර්තමානයේ පිටසක්වල යානා ලෙස හඳුන්වන රවුම් හැඩැති යානාද විය.

රාවණ ගුවන් තාක්‍ෂණය නැතහොත් විමාන තාක්‍ෂණය කරළියට පිවිසෙන්නේ 1967 දී චීන සමූහාණ් ඩුව ටිබෙටය ආක්‍රමණය කිරීමත් සමඟය. කිසිඳු වැදගත්කමක් නොමැති කඳුකර රාජ්‍යයක් ආක්‍රමණය කිරීමට බලපෑ හේතුවද මෙම විමාන ශාස්ත්‍රය බව අද වනවිට හෙළිවී ඇති යුධ රහසකි. ටිබෙටයේ ලාසා අසල ආරාමයකින් සොයාගත් ග්‍රන්ථ කිහිපයක් හා ලේඛන කිහිපයක් පරිවර්තනය කරගැනීම උදෙසා යළි ඉන්දියාවේ චන්දිගාර් විශ්වවිද්‍යාලයේ මහාචාර්‍යය රූන් රේනර් මහත්මිය වෙත එව්වේය. ඒ භාර්ද්වාජ ඍශි විසින් සංස්කෘත භාෂාවෙන් ග්‍රන්ථාරූඪ කරන ලද වෛමාණික ශාස්ත්‍ර නම් ග්‍රන්ථයයි.

මෙම පරිවර්තනයත් සමඟම එතෙක් රහසක් වූ විමාන තාක්‍ෂණය නැතහොත් ගුවන් තාක්‍ෂණය පිළිබඳ ලොව පුරා නව තාක්‍ෂණික ක්‍රමවේද සොයමින් සිටි රටවල් අතර දැඩි උනන්දුවක් ඇතිවිය. රාවණ ගුවන් තාක්‍ෂණය පිලිබඳ ලොව පුරා උනන්දුවක් ඇතිවීමට බලපෑ ප්‍රධානතම හේතුව වූයේද පෘථිවිය තුළ මෙන්ම අභ්‍යවකාශය හා වෙනත් ග්‍රහලෝක තරණය කල හැකි යානා තාක්‍ෂණයයි. එසේම අධි ක්‍රියාකාරීත්වයෙන් යුත් රසදිය භාවිත කළ ගුවන් එන්ජිම නිපදවීම පිළිබඳ නතු සෙවීම බොහෝ දෙනාගේ ප්‍රධාන ඉලක්කය විය. මෙකී අධිබලැති රසදිය එන්ජිම මර්කරි වෝටෙක්ස් එන්ජිම ලෙස හැඳින්වුණි.

පිටසක්වල තාක්‍ෂණය මෙන්ම රාවණ තාක්‍ෂණය පිළිබඳ උපරිම ලෙස පරීක්‍ෂණ පවත්වන ඇමරිකාවේ නොවාඩා ප්‍රාන්තයේ ඒරියා 51 ලෙසින් හැඳින්වෙන රහස් ජනපදයේ සිදුකළ පරීක්‍ෂණයක ප්‍රථිපලයක් ලෙස මෙතෙක් රාමයනයේ මිත්‍ය කතාවක් ලෙස පැවති රාවණ ගුවන් තාක්‍ෂණය පිළිබඳ බොහෝ දෙනා කතා කළා පමණක් නොව තොරතුරු ගවේශණයටද පුරුදු වූහ.

TR - 3B වර්ගයේ පැරණි ගුවන්‍ යානාවකට මෙම මර්කරි වෝටෙක්ස් එන්ජිමක් සවිකර අත් හදා බලන්නේ ඒ අනුවය. එම උත්සාහය සම්පූර්ණයෙන්ම සාර්ථක විය. ඉන්පසු එම ඉන්ජිම මෝටර් රථයකට යොදා අත් හදා බැලීය. එහෙත් තවමත් රාවණ ගුවන් තාක්‍ෂණය ඒරියා 51 තුළ පරීක්‍ෂණ මට්ටමේ පවතී.

මෙම පරීක්‍ෂණය සාර්ථක වීමත් සමඟම රාවණ ගුවන් තාක්‍ෂණය මිත්‍යාවක් නොවන බව ලෝකයට පසක් වන්නට විය. වර්තමානය වනවිට ගුවන් යානා යුග 5ක් ගෙවී ඇත. එසේම මේ වනවිට ඇමරිකාව හයවන ගුවන් යානා යුගයද සැලසුම් කර හමාරය. හයවන යුගයට අයත්වන අධිවේගී බෝයින් F/Axx යානාව 2025-2030 අතර කාලවකවානු වලදී ගුවන ජයගැනීමට නියමිතය. එයද ලොව මෙතෙක් බිහිවූ ගුවන් තාක්‍ෂණයේ උපරිම තාක්‍ෂණය සහ වේගය කැටිකරගත් යානය නොවේ. ඒ තුළ හෙළ විමාන තාක්‍ෂණය නැතහොත් රාවණ ගුවන් තාක්‍ෂණය අන්තර්ගත නැත.

එහෙත් 2016 සිට 2018 කාලවකවානු වලදී ලොව ඉහළම ගුවන්තාක්‍ෂණය සහිත ගුවන්යානය ලාංකේය රාවණ පරපුරේ විද්‍යාඥයෙකුගේ නිර්මාණයක් ලෙසින් අහස් කුස සිසාරා ගුවන්ගත වීමට නියමිත බව පැවසුවහොත් ඔබ පුදුමයට පත්වනු ඇත. ඔහු නමින් පී.ඒ. වික්‍රමතුංගය.

මෙම ගුවන් තාක්‍ෂණය 7වන යුගයට අයත්වන ගුවන් තාක්‍ෂණයයි. එම ගුවන් තාක්‍ෂණය අදියර දෙකක් යටතේ එළියට පැමිණීමට නියමිතය. එහි පළමු ගුවන්‍ යානය 2016/18 කාලය අතර නිපදවීමට නියමිත අතර දෙවැනි ගුවන් යානය ඉන් වසර කිහිපයකට පසුව ගුවන ජයගනු ඇත. මෙම යානා දෙකම සැලසුම් කර අවසන්‍ ය. එය නම් කර Hytle ඇත්තේ අධිතාක්‍ෂණ ප්‍රහාරක යානය ලෙසය.

මෙම හයිටිල් අධි තාක්‍ෂණික ගුවන්යානය සම්පුර්ණයෙන්ම හෙළ විමාන තාක්‍ෂණය පදනම් කරගනිමින් නිර්මාණය කර ඇත. හයිටිල් යානයේ ප්‍රධානතම විශේෂත්වය වනුයේ යානා කිහිපයක් මඟින් කළ යුතු කාර්‍යයන් සාර්ථකව එක් යානයක් මඟින් කළ හැකි වීමයි. (Multi. mission capability)

මෙම හයිටිල් යානයේ ප්‍රධාන එන්ජින් පද්ධතීන් 3ක් පවතී. ඉන් මධ්‍යයේ ඇති එන්ජිම රාවණ තාක්‍ෂණයෙන් නිපදවූ මර්කරි වෝටෙක්ස් එන්ජිමයි. අනෙක් එන්ජින් දෙක ශබ්දයේ වේගය මෙන් 5-10 අතර වේගයක් ලබාදෙන ප්ලස් ඩෙටොනේෂන්(PDE) එන්ජිමකි. මෙම PDE එන්ජින් ක්‍රියාත්මක වනුයේ වෙනස් ආකාරයකට වන අතර අධිවේගී වාතය සංකෝචනය කර ඉන්ධන සමඟ දවාලීම හරහා කුඩා පිපිරුමක් සමඟ අධිවේගයෙන් එළියට පිට කිරීමයි. මෙමඟින් යානයට අධිවේගයක් ලබාගත හැකිවෙයි.

මධ්‍යයේ සවිකර ඇති මර්කරි වෝටෙක්ස් නැතහොත් රාවණ ගුවන් එන්ජිම රසදිය ප්‍රසාරණය කර වේගයෙන් ත්වරණය කිරීම හරහා අධිකේන් ද්‍රාපසාරී බලයක් නිෂ්පාදනය කරනු ලබයි. මේ එන්ජිම හරහා යානය අතිවේගයෙන් එසවීමට එකතැන නැවත්වීමට ඉදිරියට ගමන්කරන ගමන් පසුපසට හෝ පැතිවලට හැරී පහරදීම සිදුකළ හැකිවෙයි.

දැනට භාවිතා කරන පස්වන පරපුරට අයත් කිසිඳු යානයකට යම් අරමුණක් වෙත ගමන් කරන අතර, වෙනත් කාර්‍යයක යෙදීමේ හැකියාවක් නැත. එහෙත් මෙම හයිටිල් යානය ඒ සියලු සාධක බිඳ දමා ඇත. එය අරමුණක් වෙත වේගයෙන් ගමන් කරද්දී සතුරු යානාවලට පහරදීම් ඉහළට පහළට හෝ පසුපසට හරවා සිදු කිරීමේ හැකියාව පවතී.

විමාන නිෂ්පාදනය සඳහා භාවිතා කළ අධි උෂ්ණත්වයට ඔරොත්තු දෙන සෝම, සෞන්දල, මෞර්ත්වික ආදී ලෝහ වර්ග සංයෝග කර නිපදවූ රාජ ලෝහය ලෙස නම් කළ ඉතා සැහැල්ලු ලෝහයට සමානම ලෝහයක් මෙම යානය සඳහා භාවිතා කරයි.

විමාන තාක්‍ෂණයේ දර්පණ තාක්‍ෂණය ලෙස හැඳින්වෙන ක්‍රමවේදය අනුගමනය කරමින් හයිටිල් යානයේ අධිසෙන්සර් පද්ධතියක් ක්‍රියාත්මක වේ. මෙම පද්ධතිය යානයේ ස්වයංක්‍රීය පාලකයා වේ. විමානයක පැවති දර්පණවලින් සිදුකෙරුණු කාර්‍යයන් සියල්ලම මෙම හයිටිල් යානයේ අධිසංවේදක හරහා ඉටුවන අතර ඒ හරහා යානය අවට සියලු තොරතුරු නියමුවාට ග්‍රහණය කරගත හැකිවෙයි.

මෙහි දක්වා ඇති වගුවේ විමානයක හා හයිටිල් යානයේ දර්පණ වල සබඳතාව පෙන්වා ඇත.

මෙම යානය හරහා පෘථිවි චුම් බක ක්‍ෂේත්‍රය හැකිළවීමේ හැකියාව පවතී. එහිදී සිදුවනුයේ යානය එක් තැනක සිට තවත් තැනකට පැනීම හා සමාන සිදුවීමකි. මෙම තාක්‍ෂණය අභ්‍යවකාශ තරණය සඳහාද වර්ධනය කලහැකි ක්‍රමවේදයකි.

විමාන යානාවල සූර් ය ශක්තිය ආකර් ෂණය කරගනිමින් එම ශක්තිය මඟින් එන් ජිම ක්‍රියාත්මක කිරීමට අවශ්‍යය බලය ලබාදී ඇත. ඒ සඳහා භාවිතාකර ඇත්තේ ප්‍රබල ලෙස ඔප දැමූ පළිඟුවකි. එයින් ඇති වූ ශක්තිය ලේසර් ධාරාවකට සමානය. හයිටිල් යානයේ එවන් වූ පළිඟු භාවිතයක් නොමැති බැවින් එය අභ්‍යවකාශ තරණය සඳහා භාවිතා කල නොහැකි වෙයි. එහෙත් විමාන තාක්‍ෂණයට අනුව එහි බ්‍රහ්ම ක්‍ෂේත්‍රය ලෙස හැඳින්වූ වර්තමාන අයන ගෝලය ලෙස හැඳින්වෙන සීමාව දක්වා ගමන් කල හැකිවෙයි.

මෙම යානයේ පවතින අනෙක් විශේෂත්වය වනුයේ මෙහි නියමු කුටිය ස්ව්‍යංක්‍රීයව කැරකෙන ලෙස සකස් කර පැවතීමයි. මෙමඟින් යානය උඩු අතට පැදවීමේදී ද නියමුවාට කෙළින් අතට සිටීමේ හැකියාව ලැබෙයි.

එකල තම ඥානය දියුණු කල හෙළ මුණිවරුන්ගේ ඥානයෙන් නිර්මාණය වූ විමාන යනු මිත්‍යාවක් නොවන බව අද පසක් වී ඇත. රාමායණයේ හනුමාන් දුටු පුෂ්පක විමානය ඒ අනුව සත්‍යයකි. එපමණක් නොව හෙළ අටුවාවේ ඇති රාවණ රජු හා දණුමොණරයද සැබෑවකි.

හෙළයන් ලෙස අප ආඩම් බර විය යුතුව ඇත. අප හෙළ දෙරණ ඉපදුණු රාවණ පරපුරට අයත් විද්‍යාඥයෙකුගේ අතින් රාවණ රජුගේ විමාන යළි අහස් තලයට මුසුවීම අපට මෙන්ම ලංකා පුරයටද අභිමානයකි. ඒ සියල්ලටම වඩා මෙම යානා දෙකේ පූර්ණ අයිතිය ඔහු සතුවීම ඊටත් එහා ගිය අභිමානයකි.

හෙළ ලෙයින් උපන් පී.ඒ. වික්‍රමතුංග විද්වතාණෙනි, ඔබට හෙළයේ උපහාරය.

සටහන කාංචන මනමේන්ඳ්‍ර (රන්දිව 2012-03-11)

ඔහු සතු පස් වන විකල්පය මරණය......

ඡායාරූපයේ දැක්වෙන්නේ ඇරන් ලී රැල්ස්ටන්(Aron Lee Ralston) නැමති පුද්ගලයායි. ඇමරිකානු ජාතික කදු නගින්නෙකු වන ඔහු ප්‍රස්ද්ධ ධනාත්මක චින්තන දේශකයෙකුද වෙයි.

මොහු 2003දී ලෝක ප්‍රසිද්ධ උටා කදු පන්තියේ කන්දක් තරණය කරන අතරතුර සිදු වූ අනතුරකදී සිය දිවි ගලවා ගැනීම සදහ තම දකුණු අත සිය සිරුරෙන් කපා ඉවත් කිරීම නිසා මොහු ලෝක ප්‍රසිද්ධ විය.

වසර 2003 අප්‍රේල් 26 වන දා ඇරන් ලී රැල්ස්ටන් ලෝක ප්‍රසිද්ධ උටා කදු පන්තියේ කන්දක් නැගීම ඇරඹූ අතර එහිදී සිදු වූ අනතුරක් හේතුවෙන් ඔහුගේ දකුණු අත ගල් බිත්තියක් සහ රාත්තල් 800ක් පමන බර ගලක් අතර සිර වුනි.අනතුර සිදු වන විට ඔහු සතුව තිබුනේ ආහාර ස්වල්පයක් ජලය ස්වල්පයක් සහ කුඩා කතුරු පිහියක් පමනි. 

අනතුර සිදුව පැයක් යාමට මත්තෙන් ඇරන් තමාට දිවි ගලවා ගැනීමට ඇති අවස්ථා පිලිබද විනිශ්චයක යෙදුනු අතර ඔහුට පෙනී ගියේ දිවි ගලවා ගැනීමට ඔහුට විකල්ප 4ක් පමනක් ඇති බවය.ඒවා නම්,

කවුරුන් හෝ පැමින තමාව බේරා ගැනීම.
ගල් පතුර කතුරු පිහියෙන් කඩා දමා අත නිදහස් කර ගැනීම.
ගල් පතුර ඉවත්කර අත නිදහස් කර ගැනීම.
අත සිරුරෙන් වෙන් කර දිවි ගලවා ගැනීම.

ඔහු සතු පස් වන විකල්පය මරණය වූ අතර ඔහු එම විකල්පය පිලිගැනීමට රුචි නොවීය.

ඔහු දින කීපයක් දිවි ගලවා ගැනීමට මහත් වෙහෙසක් ගත්තේය.නොයෙක් ආකාර වලින් ගල් පතුර ඉවත් කිරීමට උත්සාහ කල අතර කතුරු පිහිය ආධාරයෙන් ගල් පතුර කඩා දැමීමට උත්සාහ දැරීය,නමුත් එම උත්සාහයන් සාර්ථක නොවීය.

අවසානයේ තම දිවි ගලවා ගැනීමට අවසන් උත්සාහය දැරීමට ඔහු ඉටා ගත්තේය,ඒ තම දකුණු අතේ වැලමිටෙන් පහල කොටස තම සිරුරෙන් කපා ඉවත් කිරීමයි. ඒ සදහා සහයට කිසිවෙකු නොසිටි අතර උපකරණයකට තිබුනේ ඔහුගේ කතුරු පිහිය පමනි. තම කතුරු පිහියේ තලය අතේ අස්ථි කපා දැමීමට තරම් ශක්තිමත් නොවුනු බව වැටහුනු බැවින් ඔහු ප්‍රථමයෙන් දකුණු අතේ අස්ථිය ගල් පතුරට තද කර බිද දැමීය.ඉන්පසු කතුරු පිහිය භාවිතා කර දකුණු අත සම්පූර්ණයෙන්ම සිය සිරුරෙන් වෙන් කර දැමීය.. පසුව ඔහු සිර වී සිටි ගල් දෙබුක්කාවෙන් ඉවතට පැමිනි අතර වෙනත් කදු නගින්නන් කණ් ඩායමක් ඔහුට හමු වූ අතර අවසානයේ ඔහුගේ දිවි ගැලවිනි. 

ඇරන් රැල්ස්ටන් සතු වූ අසාමාන්‍ය ධෛර්යත් ජීවිතය සදහා වූ මහත් ආශාවත් නිසා ඔහු ජීවිතය ගලවා ගත් අතර. පසුව ඔහු මෙම සිද්ධිය අලලා Between a Rock and a Hard Place නමින් පොතක්ද පල කලේය.2010 වසරේදී ඩැනී බොයිල් මෙම සිද්ධිය ඇසුරෙන් 127 Hours නමින් චිත්‍රපටියක්ද නිර්මාණය කලේය.

◄ මළ පොතේ අකුර ►


 සම්පත් සඳරුවන් සොහොයුරාගේ නිර්මාණයක්...

Wednesday, June 13, 2012

හදවතට දැනෙන්න ඉඩ දෙන්න......

ජීවිතය කියන්නේ අභියෝගයක්.හිතන්න ඒ අභියෝගය බාර ගන්න ඔයගොල්ලෝ කොච්චරක් දුරට ලෑස්තිද කියල.කියවන්න මේ පුංචි කතා ටිකක් විතරයි.

1) ශාරුක් ඛාන් අවුරුදු ගණනක් වේටර් කෙනෙක් විදියට ආපන ශාලාවක වැඩකරපු කෙනෙක්.ඒ වගේමයි දමිල සිනමාවේ සක්විති රැජිනි කාන්ත් අවුරුදු විසි පහේදී බස් කොන්දොස්තර කෙනෙක්.

2) සින්දු කියන්න අසාවෙන් හිටපු තරුණයෙක් හිටියා ඔහු අවුරුදු ගණනක් වේදිකාවල මුදලක් නොගෙන ගීත ගායනා කළා.සමහරු ඔහුට හූ තිබබා.ඔහු ගීත ගායනා කල මුල්ම චිත්‍රපට ගීතයත් නිෂ්පාදක කපල ඉවත් කලා..චිත්‍රපට නිෂ්පාදකයා බැන වැදුනේ ඔහුට සිනමාවට ගැලපෙන කට හඩක් නැහැයි කියල.එහෙත් ඔහු උත්සාහය අත ඇරියේ නැහැ .ඒ තමා අපි කව්රුත් හදුරන එච් ආර් ජෝතිපාල ජනප්‍රිය ගායක ශිල්පියා.

3) අවුරුදු 7 වන විටත් වචනයක් වත් කියවගන්න බැරි කොලු ගැටයෙක් හිටියා.ඔහු පන්තියේ හැමදාමත් අන්තීමය උන.කව්රුත් ඔහුව ගණන් ගත්තේ නැහැ.දෙමව්පියෝ හිතුවේ ඔහු මානසික රෝගියෙක් කියල.ඒ තමා ලෝකයම දිනපු ප්‍රසිද්ද විද්වතා ඇල්බට් අයින්ස්ටයින් .

3) අනාතයෙකුව ඉපදුනු කුඩා දරුවෙක් හිටියා.ඔහු ඔහුගේ ළමා කාලය ගත කලේ මහා මග.අනුන්ගේ කඩපිලි වල.තරුණ වියට පත් වෙද්දී ඔහු රැකියාව විදියට මහා මාර්ගයේ යනෙන මිනිස්සු හිනැස්සුව.ඒ දවසට පවුම් දෙකක් හොයා ගන්න.එහෙත් ඔහු මැරෙද්දි මුළු ලෝකයක්ම ඔහු වෙනුවෙන් හැඩුවා..ඔහුගේ නම චාලි චැප්ලින්.

4) තරුණ වියේදී එක තරුනයෙකුව කැලිෆෝනියා සිනමා පාසලෙන් නෙරප දැමුවා.ඔහුගේ එකම සීහීනය වුනේ සිනමා උපාධියක් අරගන්න.ඔහු උත්සාය අත ඇරියේ නැහැ.තමා සීනයක් ව ප්‍රර්ථනා කරපු උපාදිය 2002 වසරේදී විශ්ව විද්‍යාලය විසින් නොමිලේම ඔහුට පිරිනැමුණා.ඒ ස්ටීවන් ස්පිල්බර්ග් ලෝ ප්‍රකට සිනමාවේදියා.

5) සැමියා අතහැර දැමු වැන්දබු කාන්තාවක් තමා එකම දරුවා ජිවත් කරගන්න පත්තර වලට සුරංගනා කතා ලිව්වා.ඒ කතා සියල්ලම පුවත් පත් වලින් ප්‍රතික්ෂේප කරද්දීත් ඇය තීරණය කලා පොතක් ලියන්න.ඒ පොතත් රැගෙන ඇය සියගණනක් ප්‍රකාශන ආයතන වලට පයින් ගියා..එඅහෙත් සෑම කෙනෙක්ම එය බාල වර්ගයේ නිර්මාණයක් ලෙස විසිකර දැමුවා.අවසානයේ එක සමාගමක් එය ප්‍රකාශ කරන්නට බාරගත්තා..මේ තමා ජේ.ආර් රෝව්ලින් සහ අයගේ මුල්ම නිර්මාණය "හැරි පොටර් " නවකතාවේ ඉතිහාසය.

6) වරක් ගීත නිෂ්පාදන ආයතනයක් එක තරුනයෙක්ව තම සමාගමෙන් අස් කර දැමුවා."උබට සින්දු කියන්න බෑ උබට පුළුවන් ට්‍රක් එලවන්න විතරයි" සමාගමේ අය්තිකරු ඔහුට එසේ කිව්වේ ඔහු වෘතියෙන් ට්‍රක් එලවන්නෙකු වුනු නිසා....එහෙත් තරුණය එහින් සැලුනේ නෑ..ඔහු නැවත නැවතත් උත්සා කලා.ඔහු පසුකාලයේ ජනප්‍රිය වුණා "එල්විස් ප්‍රෙස්ලි " නමින්.

7) දුප්පත් ගොවියෙකුට දාව උපන් දරුවෙක් හිටියා.කුඩා කාලයේ අධ්‍යාපන ලැබීමේ වාසනාව ඔහුට නොලැබුණේ ඔහුගේ දුප්පත් කම නිසා.කුඩා කාලයේම මුදල් උපයන්න ඔරු පදින්නෙකු ලෙසත් දුම්රිය මාර්ග සදන්නෙකු ලෙසත් සේවය කලා.ඒ උපාය ගත් මුදලින් ඔහු නීති විද්‍යාලයට බැදී නීති උපාදියත් සමග දේශපාලනයට අවතීර්ණ වුන.දහතුන් වතාවක් චන්දයෙන් පැරදුනු ඔහු 1961 දී ඇමෙරිකා එක්සත් ජනපදයේ ජනාධිපති ධුරයට පත් වුණා.ඒ ඒබ්‍රහම් ලින්කන් .

අපි දුප්පත් වෙලා ඉපදුනොත් එක අපේ වැරද්දක් නෙමේ.එහෙත් අපි දුප්පතෙක් විදියටම මැරුනොත් ඒක අපේ වැරද්දක්.ජිවිතයේ වැටෙන වැටෙන හැම මොහොතකම අපි ආයේ නැගිටින්න ඕනේ.ජිවිතයේ වැටෙන හැම මොතේම තවත් ශක්තිමත් වෙන්න ඕනේ.මැරෙන මොහොතේදී හදවතට ජීවිතය ගැන දුකක් දැනෙන්න තියන්න එපා...තමන් හැම මොහොතේම ජීවිතය දිනන්න උත්සහ කල කියන හැගීම හදවතට දැනෙන්න ඉඩ දෙන්න.

මේ කතා කීපයක් විතරයි.ලියනවනම් මිලියන ගණන් උනත් ලියන්න පුළුවන්.හිතන්න මොහොතක්. ඔහුන් මැරුණත් ඔහුන්ගේ නම සදා කල්ම මේ මිහිතලයේ රැදේවි...ඔබ සිටින්නේ කොතනද ???? ජීවිතය දිනන්න....ශක්තිමත් වෙන්න.ඔහුන්ට හැකිනම් ඔබටත් බැරි කමක් නැහැ.

Sunday, June 10, 2012

◄◄◄ මීයා ►►►

◄◄◄ මීයා ►►►

මීයා ඉතා ප්‍රයෝජනවත් සතෙක්ය. ඒ නිසා මීයාට උපහාර පිණිස රජවරුන් ගම් බිම් පවා ප්‍රධානය කර ඇත. මීගමුව, මීපේ, මීතොටමුල්ල, මීමැඩුම. එයින් සමහරක්ය. මී ගුල් වල මුරට ඉන්න මීයන් බොහෝ දෙනෙක් මී මුරේ වේ. එහෙත් මීයෝ වැඩිපුරම ඉන්නේ මීගොඩය. මීයාට ලග්නයක් ඇත උන්ගේ ලග්නය මීනය. මීයන්ට සෑදෙන වන මීවන වන අතර මීයන්ගේ සම මීසම වේ. මීයෝ නාන්නේ බක්මීවැවේය

මීයන් මැහුම් ගෙතුම් වලටද දක්ෂය ඒ සඳහා යොදාගන්නා කතුරු මී කතුරු ලෙස හඳුන්වනු ලැබේ. මීයාගේ හොටු වලින් මී ඉටිද, පැණි හලන මීයන්ගේ පැණි වලින් මී පැණිද, කිරි වලින් මී කිරිද නිෂ්පාදනය කරණු ලැබේ. කඳුකරයේ වෙසෙන මීයන් ඉඳහිට දුමක් පිට කරයි එයට මීදුම යයි කියනු ලැබේ. මීයා අරක්කු නිෂ්පාදනයට සමත්ය. ඒවා මීවිත, මීරා වැනි නම් වලින් හැඳින්වේ.

සමහර මීයන් බොහෝ හික්මුනු ගති පැවතුම් ඇත්තෝය. ඔවුන් හික්මීයන් ලෙස හඳුන්වනු ලැබේ. සමහර මීයෝ අනුන්ට කරදරකාරී ලෙස ජීවත්වේ ඔවුන් මීවද ලෙස හැඳින්වේ. එළවළු වවන මීයන් බටු මීයන් ලෙසද, කොස්ගස් හන්දියේ මීයන් කොස් ඇට මීයන් ලෙසද, සත්ව පාලනයේ යෙදෙන මීයෝ ඌරූ මීයෝ ලෙසද, හඳුන්වනු ලැබේ. මීයාට නෑයන් වෙන ඉගිලෙන මීයන් විශේෂයක්ද ඇත ඒ මී මැස්සෝය. මීයාගේ ලොකුම විශේෂය මී හරක්ය. මීයාගේ යාළු සතා මීමින්නා ය.

බොහෝ මීයෝ උන කාරයෝය උන්ට මී උන ඇතැයි සමහරු කියති. මීයාගේ ගෑණු සතා මීනාය. මීයාගේ සීයා මී මුත්තාය, ආච්චි මී ආච්චිය, මාමා මීමාය, මීයෝ පාටී දාන්න එක් රැස් වෙන්න කැමතිය. ඒවට කියන්නේ මීටින් කියාය. මීයන්ගේ බර මනින්නේ මීටර් වලින්ය. මීයන් විසින් සොයාගත් වායුවක් ඇත. එහි විද්‍යාත්මක නාමය මීතේන්ය. මීයාගෙන් රෝගද බෝවේ. මීමැස්මොරය ඉන් ප්‍රධානය. මීයා අකමැතිම ආහාරය මී පාසානම්ය.

මී බබාලා උන්ගේ අම්මලා ට ආදරේට කියන්නේ අම්මී හෝ මමී කියලා ය. මීයා කාගේ හරි පස්සෙන් යනවිට ෆලෝමී කියාද, කාගෙන් හෝ අවසර ගන්නාවිට එක්ස්ක්‍යුස්මී කියාද, කතා කරන විට ටෙල්මී කියාද කියන අතර, මීයාට කේන්ති ගිය විට කිල්මී කියයි. මීයාගේ කැමතිම ගීතය මී පිරුණු සුවද මල් වනේය. මීයාගේ ප්‍රියතම ආහාරය කොත්තු මී වේ. එමෙන්ම මීයා අතුරු පස ලෙස මී අඹ කෑමට කැමතිය.

මීයාට අපි ආදරේ කරමු !

අද මම පුංචි පටකයක්.

නූපන් ඇයගේ දිනපොතින්...

ජුනි 15 - මම අද මගේ අම්මගේ සිරුරට ඇතුළු වුනා.
ජුනි 17 - අද මම පුංචි පටකයක්.
ජුනි 30 - මගේ රත්තරං අම්මා අද මගේ රත්තරං තාත්තට කිව්වා "ඔයා තාත්තා කෙනෙක් වෙන්න යන්නේ" කියලා. අම්මයි තාත්තයි හරිම සතුටෙන්.
ජුලි 15 - අම්මා කන හැමදේම මගෙත් කෑම වේල වෙලා.
සැප්තැම්බර් 15 - මට අද මගේ හද ගැස්ම දැනෙනවා.
ඔක්තෝම්බර් 14 - අනේ මට පුංචි අත් දෙකකුයි, කකුල් දෙකකුයි, බඩකුයි, ඔලුවකුයි ලැබිලා.
නොවැම්බර් 13 - අද මට ultra-scan එකක් කලා. නියමයි, මම කෙල්ලෙක්.
නොවැම්බර් 14 - අනේ කවුදෝ නපුරෙක් යකඩ වලින් ඇනල මාව මරල දැම්මා. ඇයි මගේ අම්මේ තාත්තේ මට මෙහෙම කරන්න ඉඩ දීලා බලාගෙන හිටියේ? මොකක්ද මම කරපු වැරැද්ද? කෙල්ලෙක් වෙලා අම්මගේ කුසට ආපු එකද?

හැම කෙනෙක්ම අම්මා කෙනෙක් ලබන්න, බිරිඳක් ලබන්න, ආදරවන්තියක් ලබන්න කැමතියි. ඒත් ඇයි දියණියක් ලබද්දී දෙපාරක් හිතන්නේ???

මගේ රත්තරං දුවේ,

මගේ රත්තරං දුවේ,
මම වැහරිල වයසට ගිය දවසට මම උඹෙන් ඉල්ලනව මම වෙනුවෙන් වැඩිපුර ඉවසපන් කියල. හැමදේකටම වඩා මම ගත කරන කටුක ජීවිතය තේරුම් ගනින් කියල.

අපි දෙන්න කතා කරද්දී මම උඹට එකම දේ කිහිප වතාවක්ම නැවත නැවත කිව්වත් තරහ ගන්න එපා. මතක් කරගනින් මම උඹ වෙනුවෙන් උඹ පුංචි කාලේ නිදි කරවන්න එකම කතාව දහස් වතාවක් කිව්වා කියලා.

මම නාන්න බෑ කියල උඹට කියද්දී මාත් එක්ක තරහ ගන්න එපා. මම දිහා පිළිකුලෙන් බලන්නත් එපා. මතක් කරගනින් උඹ පුංචි කාලේ මම උඹව නාවන්න ලේස්ති වෙනකොට උඹ බොරු හේතු කිය කිය මාව මඟ ඇරල දිව්වා කියලා.

ලෝකේ අලුත් වෙලා අලුත් අලුත් මෙවලම් එක්ක මට වැඩ කරන්න තේරෙන් නැතුව මම ඒවා කඩල දැම්මොත් මාත් එක්ක තරහ ගන්න එපා. මතක් කරගනින් උඹ පුංචි කාලේ මම උඹට කන බොන හැටි, කොණ්ඩේ ගොතන හැටි, ඇඳුම් අදින හැටි වගේ සුළු දේ පවා ආදරයෙන් කියල දුන්නා කියලා.

මගේ දුර්වල වුනු කකුල් දෙකෙන් මට ඉස්සර වගේ හරි හරියට උඹත් එක්ක පය ඉක්මන් කරන්න බැරි වෙද්දී මාත් එක්ක තරහ නොගෙන මගේ අතින් අල්ලගෙන මට උදව් කරපන්. මතක් කරගනින් පුංචි කාලේ උඹේ අත් දෙකෙන් අල්ලගෙන මමත් උඹට ඇවිදින්න පුරුදු කරා කියලා.

හැමදේම අවසන් වෙලා මම මැරිල යන්න ලං වෙද්දී උඹේ ලස්සන හිනාව මූණේ තියාගෙන මාව තුරුල් කරගෙන ඉඳපන්. එතකොට මට සැනසීමෙන් මැරිල යන්න පුළුවන් වෙයි.

මීට උඹේ ආදර,
අම්මා.